فوتو: سپورتتى دامىتۋ ديرەكتسياسىنىڭ ءباسپاسوز قىزمەتى
21 شىلدەدە مالايزيانىڭ مالاككا قالاسىندا WKF كاراتەدەن ەرەسەكتەر اراسىندا XIX ازيا چەمپيوناتى باستالدى. الەمنىڭ 31 ەلىنەن 400-گە جۋىق تاتامي شەبەرى جينالعان ءدۇبىرلى دودادا قازاقستاننىڭ 19 سپورتشىسى باق سىناپ جاتىر.
كۋميتە باعدارلاماسىندا توكيو وليمپياداسىنىڭ قولا جۇلدەگەرى, ۇلتتىق قۇراما كوشباسشىسى سوفيا بەرۋلتسەۆا (68 كەلىدەن جوعارى) ءوز سالماعى بويىنشا قارسىلاستارىنىڭ بارلىعىن جەڭىپ, چەمپيون اتاندى.
فينالعا شىققان تاعى ءبىر قازاقستاندىق ديدار ءامىرالى كۇمىس مەدال ەنشىلەدى.
كۋميتە باعدارلاماسىندا جولامان بيعابىل, كاتا باعدارلاماسىندا ليا قوشقارباەۆا ءوز سالماقتارىندا قولا جۇلدەلەردى قاڭجىعالارىنا بايلادى.
ازيا چەمپيوناتى 23 شىلدەدە اياقتالادى.
