ەكىباستۇزدا «سامۇرىق-ەنەرگو» اق ەلەكتر ەنەرگەتيكالىق حولدينگىنىڭ قۇرىلىمىنا «بوگاتىر كومىر» جشس كومىر كەسىگى, سونداي-اق ەكىباستۇز ماەس-1 جانە ماەس-2 كىرەدى. بۇگىندە ولاردىڭ بارلىعى كۇزگى-قىسقى جىلىتۋ ماۋسىمىنا دايىندىق بويىنشا جوسپارلى جۇمىس جۇرگىزۋدە جانە ەلىمىزدىڭ ەنەرگەتيكاسى ءۇشىن اسا ماڭىزدى ينۆەستيتسيالىق جوبالاردى ىسكە اسىرىپ جاتىر.
ساپار قازاقستانداعى اشىق تاسىلمەن كومىر وندىرەتىن ءىرى كومپانيا - بوگاتىر كومىر جشس-نىڭ «بوگاتىر» كومىر كەسىگىنەن باستالدى. كاسىپورىندا 6 550 ادام جۇمىس ىستەيدى. «بوگاتىر كومىر» جشس-نىڭ وندىرىستىك قۋاتى جىلىنا 42 ملن توننا كومىردى قۇرايدى, ونىڭ ىشىندە «بوگاتىر» كەسىگى بويىنشا - 32 ميلليون توننا, «سەۆەرنىي» كەسىگى بويىنشا - 10 ميلليون توننا. «بوگاتىر كومىر» جشس – نىڭ ۇلەسى - 2022 جىلدىڭ قورىتىندىسى بويىنشا, قازاقستاندا وندىرىلەتىن بارلىق كومىر كولەمىنىڭ شامامەن 40%-ى (42,5 ملن توننا). جىل سايىن ەنەرگەتيكالىق كومىر قر مەن رف-نىڭ ەنەرگيا ءوندىرۋشى ۇيىمدارىنا جونەلتىلەدى.
«بوگاتىر» كەسىگىندە نۇرلان جاقىپوۆ كومىر بەرۋدىڭ تسيكلدىق-اعىندىق تەحنولوگياسىن ەنگىزۋ جونىندەگى جوبانىڭ ىسكە اسىرىلۋ بارىسىمەن تانىستى. تسات جوباسى ءوزىنىڭ جوبالىق قۋاتىنا كەزەڭ-كەزەڭىمەن شىعا وتىرىپ, وسى جىلدىڭ تامىز ايىندا تولىق اياقتالادى. بۇل جوبا تۇتىنۋشىلارعا وتىن جەتكىزۋدى ارتتىرۋعا مۇمكىندىك بەرەدى.
كەلەسى ارالاۋ نىسانى «بولات نۇرجانوۆ اتىنداعى ەكىباستۇز ماەس-1» جشس ەلەكتر ستانتسياسى بولدى. بەلگىلەنگەن قۋاتى 4000 مۆت جانە قولدا بار قۋاتى 3500 مۆت ەماەس-1 قازاقستان ەنەرگەتيكاسىنىڭ فلاگمانى بولىپ تابىلادى. ەماەس-1-ءدىڭ ەلەكتر ەنەرگياسىن ءوندىرۋ كولەمى 2022 جىلدىڭ قورىتىندىسى بويىنشا 23 ملرد كۆتساع قۇرادى, بۇل ستانتسيا تاريحىنداعى رەكوردتىق كورسەتكىش بولىپ تابىلادى. اعىمداعى جىلدىڭ 6 ايىندا ستانتسيا 11,2 ملرد كۆتساع ءوندىردى, بۇل وتكەن جىلدىڭ سايكەس كەزەڭىمەن سالىستىرعاندا 3%-عا ارتىق.
قور باسشىسى № 1 ەنەرگيا بلوگىنىڭ بلوكتىق باسقارۋ قالقانىن قاراپ, ونى قالپىنا كەلتىرۋ جۇمىستارىنىڭ بارىسىمەن تانىستى. وسى جىلدىڭ سوڭىندا №1 ەنەرگيا بلوگى پايدالانۋعا بەرىلگەننەن كەيىن ستانتسيانىڭ بەلگىلەنگەن قۋاتى 4000 مۆت قۇرايدى. جوبانىڭ ماقساتى - ستانتسيانىڭ قولدا بار قۋاتىن جوبالىق قۋاتقا دەيىن ۇلعايتۋ, سۇرانىستى قاناعاتتاندىرۋ جانە قازاقستان رەسپۋبليكاسىندا ەلەكتر ەنەرگياسىنىڭ تاپشىلىعىن تومەندەتۋ. ەنەرگيا بلوگىن قالپىنا كەلتىرۋ كەزەڭىندە 500-700 ادامعا ارنالعان جاڭا جۇمىس ورىندارى قۇرىلدى, پايدالانۋ كەزەڭىندە 54 ادام تارتىلاتىن بولادى. سونداي-اق زاماناۋي ەلەكتر سۇزگىلەرىن ورناتۋ ەسەبىنەن ەكولوگيالىق نورماتيۆتەردىڭ ورىندالۋى قامتاماسىز ەتىلەدى. «№1 ەنەرگيا بلوگىن قالپىنا كەلتىرۋ» جوباسىن بەلگىلەنگەن مەرزىمدە اياقتاۋ جوسپارلانىپ وتىر.
قازىرگى ۋاقىتتا ستانتسيادا №3 ەنەرگيا بلوگىنا كۇردەلى جوندەۋ جۇرگىزىلىپ جاتىر. كومىر جەتكىزۋگە ۇزاق مەرزىمدى شارتتار جاسالدى. جوندەۋ جۇمىستارى جوسپارلى تۇردە جۇرگىزىلۋدە, ولاردىڭ ءتارتىبى «كەGوس» اق جۇيەلىك وپەراتورىنىڭ ۇلتتىق ديسپەتچەرلىك ورتالىعىمەن كەلىسىلدى. 2023-2024 جج. كقك-گە قاراي قويمالارعا جوسپار بويىنشا كومىر جيناقتالىپ جاتىر.
«سامۇرىق-قازىنا» اق باسقارما توراعاسىنىڭ جۇمىس ساپارى «ەكىباستۇز ماەس-2 ستانتسياسى» اق-عا بارۋمەن اياقتالدى.
ونىڭ بەلگىلەنگەن ەلەكتر قۋاتى 1000 مۆت قۇرايدى. ستانتسيا جىل سايىن شامامەن 6,0 ملرد كۆتساع ەلەكتر ەنەرگياسىن وندىرەدى, سونداي-اق جاقىن ماڭداعى سولنەچنىي كەنتىن جىلۋ ەنەرگياسىمەن قامتاماسىز ەتەدى. وسى جىلدىڭ 6 ايىندا ستانتسيا 3,0 ملرد كۆتساع ەلەكتر ەنەرگياسىن ءوندىردى, بۇل وتكەن جىلدىڭ سايكەس كەزەڭىنەن 5% - عا ارتىق.
ستانتسياداعى 2023 ج. جوندەۋ ناۋقانى بەلگىلەنگەن مەرزىمدە وتكىزىلەدى, № 2 ەنەرگيا بلوگى 2 مامىردان 26 شىلدەگە دەيىنگى مەرزىمدى قوسا العاندا كۇردەلى جوندەۋدە, ول اياقتالعاننان كەيىن №1 ەنەرگيا بلوگىن اعىمداعى جوندەۋگە شىعارۋ جوسپارلانۋدا. ستانتسيا قويمالارىندا قاجەتتى وتىن قورلارى (كومىر, مازۋت) جيناقتالعان, جەتكىزۋ ۋاقتىلى جۇزەگە اسىرىلادى.
ماەس-2-گە بارۋ بارىسىندا «سامۇرىق-قازىنا» قورىنىڭ باسشىسى ستانتسيادا №3 جانە №4 ەنەرگيا بلوكتارىن سالۋ جوبالارىن ىسكە اسىرۋ بويىنشا جۇمىستارمەن تانىستى. №3 ەنەرگوبلوكتىڭ قۋاتى 636 مۆت قۇرايدى دەپ بولجانۋدا, جوسپارلانىپ وتىرعان ءوندىرۋ - جىلىنا 4,8 ملرد.كۆتساع. ەنەرگيا بلوگىن پايدالانۋعا بەرۋ قر-داعى ەلەكتر ەنەرگياسىنىڭ تاپشىلىعىن ەڭ تومەنگى دەڭگەيگە دەيىن تومەندەتۋگە مۇمكىندىك بەرەدى.
