اتاۋلى الەۋمەتتىك كومەكتى جان باسىنا شاققانداعى ورتاشا كىرىسى كەدەيلىك شەگىنەن اسپايتىن قازاقستان رەسپۋبليكاسىنىڭ ازاماتتارى, قازاقستان رەسپۋبليكاسىندا تۇراقتى تۇراتىن قانداستار, بوسقىندار, شەتەلدىكتەر جانە ازاماتتىعى جوق ادامدار الۋعا قۇقىلى.
«استانا قالاسى بويىنشا كەدەيلىك شەگىنىڭ مولشەرى وسى جىلدىڭ 3 توقسانىندا 37 317 تەڭگەنى قۇرادى. وتباسىنىڭ نەمەسە جەكە ادامنىڭ الەۋمەتتىك جاعدايىنا بايلانىستى كومەك ەكى تۇرگە بولىنەدى: شارتسىز جانە شارتتى», دەدى سپيكەر.
سونىمەن شارتسىز اقشالاي كومەك مىناداي ساناتتاعى تۇرعىندارعا كورسەتىلەدى:
- جۇمىسپەن قامتۋعا جاردەمدەسۋ شارالارىنا قاتىسۋعا مۇمكىندىگى شەكتەۋلى جالعىزباستى جانە (نەمەسە) جالعىز تۇراتىن كىرىسى از ادامدارعا:
- - وسى كودەكستىڭ 207-بابىنىڭ 1-تارماعىندا بەلگىلەنگەن زەينەتكەرلىك جاسقا تولۋىنا;
- ءبىرىنشى نەمەسە ەكىنشى توپتاعى مۇگەدەكتىگىنە;
- ەكى ايدان استام ەڭبەككە ۋاقىتشا قابىلەتسىزدىك مەرزىمى بەلگىلەنۋى مۇمكىن اۋرۋىنىڭ بولۋىنا بايلانىستى;
- قۇرامىندا ەڭبەككە قابىلەتتى ادامدارى جوق نەمەسە ەڭبەككە قابىلەتتى جالعىز مۇشەسى ءۇش جاسقا دەيىنگى بالاعا, مۇگەدەكتىگى بار بالاعا, ءبىرىنشى نەمەسە ەكىنشى توپتاعى مۇگەدەكتىگى بار ادامعا, بوگدەنىڭ كۇتىمىنە جانە كومەگىنە مۇقتاج قارتقا كۇتىمدى جۇزەگە اسىراتىن كىرىسى از وتباسىلارعا كورسەتىلەدى.
ال شارتتى اقشالاي كومەك كورسەتىلەدى:
- شارتتى اقشالاي كومەك وسى باپتىڭ 4-تارماعىندا كورسەتىلگەن ادامداردى (وتباسىلاردى) قوسپاعاندا, جالعىزباستى جانە (نەمەسە) جالعىز تۇراتىن كىرىسى از ەڭبەككە قابىلەتتى ادامدارعا, سونداي-اق وتباسى قۇرامىندا ەڭبەككە قابىلەتتى مۇشەسى (مۇشەلەرى) بار كىرىسى از وتباسىلارعا ول (ولار) جۇمىسپەن قامتۋعا جاردەمدەسۋ شارالارىنا قاتىسقان جاعدايدا جانە (نەمەسە) قاجەت بولعاندا الەۋمەتتىك بەيىمدەۋ كەزىندە كورسەتىلەدى.
الەۋمەتتىك كەلىسىمشارت جاساسۋ شارتتى اقشالاي كومەك تاعايىنداۋدىڭ مىندەتتى تالابى بولىپ سانالادى. شارتتى اقشالاي كومەكتى الۋشىلارمەن الەۋمەتتىك كەلىسىمشارت شارتتى اقشالاي كومەك تاعايىنداۋ كەزەڭىنە جاسالادى. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2023 جىلعى 29 مامىرداعى № 181 بۇيرىعىمەن بەكىتىلگەن مەملەكەتتىك اتاۋلى الەۋمەتتىك كومەك الۋعا ۇمىتكەر ادامنىڭ (وتباسىنىڭ) جيىنتىق تابىسىن ەسەپتەۋ قاعيدالارىنا سايكەس وتباسىنىڭ جيىنتىق تابىسىن ەسەپتەۋ كەزىندە تابىستىڭ مىناداي تۇرلەرى ەسكەرىلەدى:
- ەڭبەكاقى, الەۋمەتتىك تولەمدەر تۇرىندە الىناتىن كىرىستەر, ونىڭ ىشىندە كەيبىر الەۋمەتتىك تولەمدەر ;
- قۇرامىندا 4 جانە ودان دا كوپ بالاسى بار كوپ بالالى وتباسىلارعا ارناۋلى مەملەكەتتىك جاردەماقى;
- «نەكە (ەرلى-زايىپتىلىق) جانە وتباسى تۋرالى» 2011 جىلعى 26 جەلتوقسانداعى قر كودەكسىندە كورسەتىلگەن بالالار مەن ادامدارعا اليمەنت تۇرىندەگى كىرىستەر;
- كاسىپكەرلىك قىزمەتتەن تۇسەتىن كىرىستەر;
- جىلجىمايتىن م ۇلىك پەن كولىك قۇرالدارىن جالعا بەرۋدەن جانە ساتۋدان تۇسكەن كىرىستەر;
باعالى قاعازداردان تۇسەتىن كىرىستەر; - جىلجىمايتىن م ۇلىكتى, كولىك قۇرالدارىن جانە باسقا م ۇلىكتى سىيعا تارتۋ, مۇراگەرلىك تۇرىندە الىنعان كىرىستەر;
- وتەۋسىز الىنعان اقشا تۇرىندەگى كىرىستەر;
- اقشالاي سالىمدار مەن دەپوزيتتەر بويىنشا سىياقىلار (مۇددە) تۇرىندەگى كىرىستەر;
- جازباشا وتىنىشپەن راستالعان وزگە دە كىرىستەر.
