اقپارات جانە قوعامدىق دامۋ ءمينيسترى حالىقارالىق «قازاق ءتىلى» قوعامىنىڭ كەزەكتەن تىس قۇرىلتايىندا ءسوز سويلەدى.
«بىلەسىزدەر, بۇعان دەيىن ءباسپاسوز ءتىلى 50/50 قاعيداتىمەن جۇمىس ىستەدى. ءبىز ونى وزگەرتىپ, قازىر 70/30 بولسىن دەپ جاتىرمىز. «ماسس-مەديا» تۋرالى جاڭا زاڭ قابىلدانسا, بۇكىل اقپارات, جالپى ەلىمىزدىڭ بۇكىل ماسس-مەديا ءتىلىنىڭ 70 پايىزى قازاقشا بولادى», دەدى.
ۆەدومستۆو باسشىسى مۇنداي تالاپ ءتىل تۋرالى دوكترينا جوباسىنا دا ۇسىنىلعانىن اتاپ ءوتتى.
«سونىمەن قاتار قازاق ءتىلى تۋرالى دوكترينا ازىرلەنىپ جاتىر. وعان اقپارات سالاسىندا قازاق تىلىنە باسىمدىق بەرۋ تۋرالى ۇسىنىستار ەنگىزدىك», دەدى مينيستر.
