2005 جىلعى ازيا چەمپيونى جانە 2006 جىلعى ازيا ويىندارىنىڭ كۇمىس جۇلدەگەرى, بۇگىندە جاتتىقتىرۋشى بولىپ ەڭبەك ەتىپ جۇرگەن راشيد يۋنۋسمەتوۆتىڭ شاكىرتى نيكيتا چيريۋكين كورەياداعى باسەكەدە كىشى كاليبرلى تاپانشامەن 25 مەتردەن وق اتۋ باعدارلاماسىندا ونەر كورسەتىپ, قارسىلاس شاق كەلتىرگەن جوق. وتانداسىمىزدان كەيىنگى جارىستىڭ جۇلدەلى ورىندارىن قىتايلىق چجان چجيحاو (كۇمىس) مەن جارىس قوجايىنى سۋك دجين حونگ (قولا) يەلەندى. بۇل – چحانۆون قالاسىندا ءوتىپ جاتقان چەمپيوناتتاعى قازاقستان قۇراماسىنىڭ العاشقى جۇلدەسى. وسى كورسەتكىشپەن جەرلەستەرىمىز جالپىكوماندالىق ەسەپتە 9-ورىنعا كوتەرىلدى.
وڭتۇستىك كورەياداعى الەم بىرىنشىلىگىنە جەر-جاھاننىڭ 45 مەملەكەتىنەن كەلگەن 600 سپورتشى ءتۇرلى ءتۇستى جۇلدەلەردى ساراپقا سالىپ جاتىر. الەم چەمپيوناتى 25 شىلدەدە اياقتالادى.
