اتاپ ايتار بولساق, الەمنىڭ 60-راكەتكاسى يۋليا پۋتينتسەۆا ماجارستاننىڭ باس شاھارى – بۋداپەشتتەگى WTA 250 Hungarian Grand Prix جارىسىنىڭ العاشقى اينالىمىندا دۇنيەجۇزىلىك رەيتينگتە 295-ورىندا تۇرعان ۋكراينالىق كاتەرينا ۆولودكومەن شەبەرلىك بايقاستى. وسى جارىستىڭ 4-راكەتكاسى بولىپ تىركەلگەن وتانداسىمىز كەزدەسۋدىڭ باستى ءفاۆوريتى بولسا دا, العاشقى پارتيادا ۆولودكونىڭ قارقىنىنا توتەپ بەرە المادى – 6:1.
دەگەنمەن ەكىنشى سەتتە پۋتينتسەۆا ويىن تىزگىنىن قولىنا الىپ, 6:2 ەسەبىمەن تارازى باسىن تەڭەستىردى. ال شەشۋشى, ءۇشىنشى پارتيادا دا جەرلەسىمىز مىقتىلىق تانىتىپ, 6:1 ەسەبىمەن كەزدەسۋدى ءوز پايداسىن اياقتادى. يۋليا پۋتينتسەۆا كەشە كەشكىسىن شيرەك فينالعا شىعۋ ءۇشىن الەمنىڭ 88-راكەتكاسى امەريكالىق كلەر ليۋمەن وينادى.
ال شۆەتسياداعى ATP 250 Nordea Open دوداسىنىڭ جۇپتىق جارىسىنا قاتىسىپ جاتقان الەكساندر نەدوۆەسوۆ ەكۆادورلىق گونسالو ەسكوبارمەن بىرگە ءتۋرنيردىڭ ەكىنشى كەزەڭىنە شىقتى. ولار جۇلدە قورى 630,7 مىڭ ەۋرونى قۇرايتىن دودانىڭ باستاپقى باسەكەسىندە شۆەتسيالىقتار – لەو بورگ پەن سيمون فرويندى ەكى سەتتە تىزە بۇكتىردى – 6:1, 6:4.
