كۇنشىعىس ەلىندەگى جارىستا ەلىمىزدىڭ سپورتشىلارى دا ونەر كورسەتىپ جاتىر. الەم چەمپيوناتىنىڭ كەزەكتى كۇنىندە جارىس جولىنا وتانداسىمىز ەدۋارد كيم شىعىپ, ەل قورجىنىنا الەم بىرىنشىلىكتەرى تاريحىنداعى العاشقى جۇلدەنى سالدى. ارتيستىك ءجۇزۋ باسەكەسىندە باق سىناعان كيم تەحنيكالىق باعدارلامادا 216.000 ۇپاي جيناپ, الەم چەمپيوناتىنىڭ قولا مەدالىن يەلەندى. بۇل سىندا باس جۇلدەنى يسپانيالىق دياس دەل ريو سول فەرناندو (224.555) ولجالاسا, كۇمىس جۇلدە امەريكالىق گودە كەننەتكە (216.800) بۇيىردى.
ايتا كەتۋ كەرەك, ەرلەر اراسىنداعى ارتيستىك ءجۇزۋ بيىل العاش رەت əلەم چەمپيوناتىنىڭ باعدارلاماسىنا قوسىلىپ وتىر. جاپونياداعى ايتۋلى بəسەكەنىڭ فينالىندا 10 سپورتشى العاشقى جۇلدە جيىنتىعىن ساراپقا سالدى. بۇل سپورت تۇرىنەن اتلەتتەر ەندى 22 شىلدەدە ەركىن باعدارلامادا باق سىنايدى. بۇعان قوسا قازاقستان قۇراماسى سۋدا ءجۇزۋ, سۋ دوبى (ەرلەر, ايەلدەر) جانە اشىق سۋدا ءجۇزۋ جارىستارىندا ونەر كورسەتەدى. دودا 30 شىلدەدە اياقتالادى.
