جارىسقا اقش, كانادا, ءۇندىستان جانە قىتاي سياقتى الەمنىڭ 10 مەملەكەتىنەن 300-دەن استام قاتىسۋشى جينالدى. FIRST Tech Challenge اعا ساناتىندا قازاقستاننىڭ نامىسىن الماتى قالاسىنداعى رفمم مەن استاناداعى نۇروردا مەكتەبىنىڭ كوماندالارى قورعاپ, الماتىلىق Bolt.M3 كومانداسى چەمپيوناتتىڭ كۇمىس جۇلدەسى مەن ەڭ جوعارعى ەكى ماراپاتقا يە بولدى.
USTEM Robotics قورىنىڭ باسشىسى اسىلبەك مىرزاحمەتوۆتىڭ ايتۋىنشا, ۇلتتىق قۇرامانىڭ قورجىنىنا تۇسكەن كۇمىس پەن ەكى بەدەلدى ماراپات چەمپيونات قاتىسۋشىلارى اراسىندا رەكوردتىق كورسەتكىشكە يە. بۇل كوماندانىڭ جوعارى كاسىبيلىگىن جانە قازاقستان مەن ورتالىق ازياداعى STEM دامۋىنا قوسقان ۇلەسى جوعارى ەكەنىن كورسەتەدى.
«بىزگە Connect Award سىيلىعى بەرىلگەن كەزدە قاتتى قۋاندىق, ودان كەيىن Think Award جانە چەمپيوناتتىڭ كۇمىس جۇلدەسىن بەرگەن ءساتتى سوزبەن ايتىپ جىتكىزۋ مۇمكىن ەمەس. مۇنداي جارىستار ءبىز ءۇشىن ۇلكەن تاجىريبە, سونداي-اق كاسىبي بايلانىس ورناتۋدىڭ, ءوز ەلىمىزدىڭ بۇل سالادا جاقسى دامىعانىن وزگەلەرگە كورسەتۋدىڭ مول مۇمكىندىگى. جارىستىڭ ءۇش كۇنى بويى ماتچتار اراسىنداعى ۇزىلىستەردە ءبىز باسقا ەلدەردىڭ قاتىسۋشىلارىمەن ۇلتتىق ويىندارىمىزدى ويناپ, ولارعا قازاق تاعامدارىن ۇسىنا وتىرىپ, ەلىمىزدىڭ مادەنيەتىمەن تانىستىرۋعا تىرىستىق», دەدى كوماندا كاپيتانى تاير كارەنەەۆ.
قورجىنعا تۇسكەن كۇمىس پەن ەكى بەدەلدى ماراپات چەمپيونات قاتىسۋشىلارى اراسىندا رەكوردتىق كورسەتكىشكە يە بولدى.
