اكىمشىلىك جاۋاپكەرشىلىك ەنگىزىلدى

اتاپ ايتقاندا, ىشكى ىستەر مينيسترلىگى ءوز قۇزىرەتى شەگىندە ينتەرنەت جەلىسىندە تۇراقتى تۇردە زاڭسىز مازمۇنداعى سايتتارعا مونيتورينگ جۇرگىزەدى. زاڭسىز مازمۇن دەپ وتىرعانىمىز – سۋيتسيدكە يتەرمەلەۋ, پورنوگرافيالىق ماتەريالداردى تاراتۋ, قاتىگەزدىك پەن زورلىق-زومبىلىق, ەكسترەميزم مەن ەسىرتكى تۋرالى اقپاراتتار. «زاڭ تالاپتارىن بۇزعان سايتتارعا جانە الەۋمەتتىك جەلى قولدانۋشىلارىنا قانداي شارالار قولدانىلادى؟» دەگەن ساۋالعا كەلسەك, زاڭدا ونلاين-پلاتفورمالار مەن بلوگەرلەردىڭ قۇقىقتارى مەن مىندەتتەرى بەلگىلەنگەن. اتاپ ايتقاندا, قولدانىستاعى قىلمىستىق جاۋاپكەرشىلىكپەن قاتار جەلى­دە جالعان اقپارات تاراتقانى ءۇشىن اكىم­شىلىك جاۋاپكەرشىلىك ەنگىزىلدى. ونلاين-پلاتفورمالاردىڭ قاراپايىم پايدالانۋشىلارى ءۇشىن ايىپپۇل 20 اەك بولسا, كاسىپكەرلىك قىزمەتپەن اينالىساتىن بلوگەرلەر ءۇشىن – 40 اەك. زاڭ بۇزۋشىلىق ورىن العان سايتتار شەتەلدە تىركەلگەن جاعدايدا, ولار تۋرالى اقپارات اقپارات جانە قوعامدىق دامۋ مينيسترلىگىنىڭ ۋاكىلەتتى ورگانىنا شارا قابىلداۋ, ياعني قازاقستان ازاماتتارىنا قولجەتىمدىلىكتى شەكتەۋ-بۇعات­تاۋ ءۇشىن جىبەرىلەدى.

جالپى, ينتەرنەتتەگى جالعان حابار تاراتۋ, ار-نامىسقا تيۋ, ەكسترەميزم مەن تەرروريزمدى ناسيحاتتاۋ سەكىلدى قۇقىققا قايشى ءىس-ارەكەتتەر بويىنشا شارا قابىلداۋ – تەك ىشكى ىستەر مينيسترلىگىنىڭ مىندەتىندەگى جۇمىس ەمەس. بۇل باعىتتاعى جۇمىستاردى باسقا دا مەملەكەتتىك ورگاندار اتقارادى. ماسەلەن, ىشكى ىستەر مينيسترلىگىنە اقدم مەن باس پروكۋراتۋرادان تۇراقتى تۇردە حاتتار كەلىپ تۇرادى. ءىىم كريمينالدىق پوليتسيا دەپارتامەنتى كيبەرقىلمىسقا قارسى كۇرەس ورتالىعى ءوز باعىتى بويىنشا جۇمىس ىستەيدى. ءبىز كوبىنە ينتەرنەتتەگى الاياقتىق قىلمىستارىنا قاتىستى ارەكەت ەتەمىز. ال ەسىرتكى نەمەسە ەكسترەميستىك سيپاتتاعى قىلمىستار بويىنشا مينيسترلىك قۇرامىندا جۇمىس ىستەيتىن ارنايى دەپارتامەنتتەر بار.

جاندوس ءسۇيىنباي,

ءىىم كريمينالدىق پوليتسيا دەپارتامەنتى,

كيبەرقىلمىسقا قارسى كۇرەس ورتالىعىنىڭ باسشىسى