قاي جاعىنان قاراساق تا, بۇل – جاقسى قۇبىلىس. الايدا ينتەرنەت ورتانىڭ قانشاما وڭتايلى تۇسى بولعانىمەن, رۋحانيات, ءتىل, بالالاردى قورعاۋ, ەكونوميكا, تاعى دا باسقا ماڭىزدى باعىتتارعا زيانى جوق دەپ ايتا المايمىز. 2022 جىلى تاراتىلعان جالعان اقپاراتتىڭ 278-ءى دەسترۋكتيۆتى سيپاتتا, 5 267 فاكتى – الاياقتىق بەلگىلەرىنە (فيشينگ), 2 846-سى قارجى پيراميدالارىن جارنامالاۋعا قاتىستى بولدى. ەلىمىزدىڭ تۇتاستىعى مەن قاۋىپسىزدىگىنە, جالعان اقپارات تاراتۋ ارقىلى ادامنىڭ ار-وجدانى مەن ابىرويىنا نۇقسان كەلتىرەتىن جاعدايلار دا بەلەڭ الىپ بارا جاتقانى شىندىق.
بۇعان قوسا, ەلىمىزدە قىزمەت ەتەتىن ونلاين-پلاتفورمالار مەملەكەتتىك تىلگە قويىلاتىن تالاپتاردى تولىق ورىنداماي جاتىر دەسەك تە بولادى. كوپتەگەن رەسۋرستىڭ ينتەرفەيسى مەن كونتەنتى مەملەكەتتىك تىلگە اۆتوماتتى تۇردە اۋدارىلمايدى. بۇل ماسەلەنىڭ ەكونوميكالىق اسپەكتىلەرىن دە ۇمىتپاعان ءجون.
بىراق قازاقستاننىڭ ينتەرنەت اۋديتورياسىن كەڭىنەن پايدالانىپ, تىكەلەي تۇردە دە, جاسىرىن تۇردە دە جارناما جاساپ, پايدا تاۋىپ جۇرگەندەردىڭ اراسىندا سالىق تولەمەي جۇرگەن ازاماتتار دا از ەمەس. سوندايلاردىڭ دەگەنىنە ەرىپ, الداۋ مەن ارباۋعا ءتۇسىپ, قارجىلاي زارداپ شەككەن ينتەرنەت تۇتىنۋشىلاردىڭ قۇقىق قورعاۋ ماسەلەسىن دە ۇمىتپاعانىمىز ءجون.
اناس باققوجاەۆ,
ءماجىلىس دەپۋتاتى
