زاڭدا مەملەكەتتىك ءتىلدى ونلاين-پلاتفورمالاردىڭ ينتەرفەيستەرى مەن مودەراتسياسىنا مىندەتتى ينتەگراتسيالاۋ, جارنامانى اسەر ەتۋشىلەرمەن تاڭبالاۋ قاجەتتىلىگى, زاڭسىز مازمۇندى ءتيىمدى مودەراتسيالاۋ كوزدەلگەن. زاڭ شەڭبەرىندە كولەڭكەلى ەكونوميكا ۇردىستەرىن تومەندەتۋ جانە ونلاين-الاياقتىققا قارسى كۇرەس جونىندە قاجەتتى شارالار قابىلداناتىن بولادى. زاڭ ازاماتتاردىڭ قۇقىقتارى مەن بوستاندىقتارىن تولىققاندى ىسكە اسىرۋ ءۇشىن ونلاين پلاتفورمالارمەن ءتيىمدى ىنتىماقتاستىق پەن ءوزارا ءىس-قيمىلدى جولعا قويۋعا مۇمكىندىك بەرەدى.
زاڭسىز يەمدەلىنگەن اكتيۆتەردى مەملەكەتكە قايتارۋ تۋرالى زاڭعا كەلەتىن بولساق, بۇل قۇجاتتىڭ ماقساتى – زاڭسىز يەمدەلىنگەن اكتيۆتەردى مەملەكەتكە قايتارۋ جانە (نەمەسە) ولاردى قازاقستانداعى زاڭدى ەكونوميكالىق اينالىمعا تارتۋ. ولاردى زاڭسىز يەمدەلۋ مەن شىعارۋعا ىقپال ەتكەن سەبەپتەر مەن جاعدايلاردى جويۋ, سونداي-اق قوعامداعى الەۋمەتتىك ادىلەتتىلىكتى قالپىنا كەلتىرۋ. زاڭ جانە وعان ىلەسپە اكتىلەر اكتيۆتەردى اشۋدىڭ, راستاۋدىڭ, شىعارۋدىڭ جانە قايتارۋدىڭ ءتيىستى ءراسىمىن قامتاماسىز ەتۋگە باعىتتالعان تەتىكتەردى كوزدەيدى.
نۇرتورە ءجۇسىپ,
سەنات دەپۋتاتى
