مەملەكەت باسشىسىنىڭ باستاماسىمەن جۇرگىزىلگەن دەموكراتيالىق رەفورمالاردىڭ قوعامداعى جەمقورلىقتى قابىلداۋعا ايتارلىقتاي اسەرى اتاپ ءوتىلدى.
سىبايلاس جەمقورلىققا قارسى ساياسات تۇجىرىمداماسىن ىسكە اسىرۋ قورىتىندىلارى, ونىڭ ىشىندە شەنەۋنىكتەردىڭ نەگىزسىز بايىتۋعا جاۋاپكەرشىلىگىن زاڭنامالىق بەكىتۋ, سجەمقورلىق تۋرالى حابارلاعان ادامداردى قورعاۋدى كۇشەيتۋ, پاراساتتىلىقتى تەكسەرۋ جونىندەگى پيلوتتىق جوبانى («Integrity Check») ىسكە اسىرۋ, قوعامدىق قاتىناستاردى ودان ءارى تسيفرلاندىرۋ ۇسىنىلدى.
سىبايلاس جەمقورلىققا قارسى كومپلاەنس-قىزمەتتىڭ كۆازيمەملەكەتتىك سەكتور سۋبەكتىسىنىڭ اتقارۋشى ورگانى مەن لاۋازىمدى تۇلعالارىنان تاۋەلسىزدىگىن, سونداي-اق ونىڭ تاۋەلسىز باسقارۋ ورگانىنا (ديرەكتورلار كەڭەسىنە, باقىلاۋ كەڭەسىنە جانە ت.ب.) ەسەپ بەرۋىن كوزدەيتىن «سىبايلاس جەمقورلىققا قارسى ءىس-قيمىل تۋرالى» زاڭعا تۇزەتۋلەر كۇشىنە ەندى.
قازاقستاننىڭ جەمقورلىققا قارسى كۇرەس ماسەلەلەرىندەگى حالىقارالىق ىنتىماقتاستىق جونىندەگى كۇش-جىگەرى, سونداي-اق ەلدەگى جانە الەمدەگى سىبايلاس جەمقورلىققا دەگەن كوزقاراس دەڭگەيىن تاۋەلسىز باعالاۋ جاريالاندى.
ۇلتتىق باياندامانىڭ تولىق ءماتىنى قر سىبايلاس جەمقورلىققا قارسى ءىس-قيمىل اگەنتتىگىنىڭ سايتىندا جاريالانعان.
