قر ىشكى ىستەر مينيسترلىگى وسى جىلدىڭ 18 ماۋسىمىندا استاناداعى ساۋدا ورتالىقتارىنىڭ بىرىندە قوعامدىق ءتارتىپ بۇزىلىپ, كەلۋشىلەردىڭ ءبىرى ەكىنشىسىن ۇرعانىن ەسكە سالدى.
«قازىرگى ۋاقىتتا وسى فاكت بويىنشا قر قك-ءنىڭ 293-بابىمەن (بۇزاقىلىق) سوتقا دەيىنگى تەرگەۋ باستالدى, ول 5 جىلعا دەيىن باس بوستاندىعىنان ايىرۋدى كوزدەيدى», دەلىنگەن حابارلامادا.
ۆەدومستۆو ىشكى ىستەر ورگاندارى بارلىق قاجەتتى جەدەل-تەرگەۋ ءىس-شارالارىن جۇرگىزىپ جاتقانىن, سونىڭ قورىتىندىسى بويىنشا قۇقىقتىق باعا بەرىلەتىنىن اتاپ ءوتتى.
ايتا كەتەيىك, بىرنەشە كۇن بۇرىن الەۋمەتتىك جەلىدە ءبىر ەر ادام بالا ۇستاپ وتىرعان ەكىنشى ازاماتقا تاپ بەرىپ, بىرنەشە رەت سوققىعا جىققانى بەينەلەنگەن ۆيدەو تاراعان ەدى. كەيىن جۇدىرىق الا جۇگىرگەن ادام بوكستان بۇرىنعى الەم چەمپيونى بەيبىت شۇمەنوۆ ەكەنى انىقتالدى. ءبىراز ۋاقىت وتكەننەن كەيىن سپورتشى ءوزىنىڭ جەلىدەگى پاراقشاسىندا وقيعانىڭ ءمان-جايىن ايتىپ, بالالار اراسىنداعى جانجال اكەلەردىڭ توبەلەسىنە ۇلاسقانىن ايتتى.
