1992 جىلدىڭ 13 شىلدەسىندە بۇرىنعى پرەزيدەنتتىڭ جارلىعىمەن قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى (ۇقك) قۇرىلدى.
ءدال سول ساتتەن باستاپ جاڭا دەربەس وتاندىق ارنايى قىزمەتتىڭ تاريحى باستاۋ الىپ, ءارتۇرلى كەزەڭدەردى باستان وتكەردى. ەگەمەن ەل بولعان جاس مەملەكەتىمىزدىڭ تولىقتاي قالىپتاسىپ, ودان ءارى قارىشتاي دامۋىنىڭ ماڭىزدى دا باستى العىشارتى – تۇراقتىلىق پەن قاۋىپسىزدىك.
قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ بىرىڭعاي جۇيەسىن - قر ۇلتتىق قاۋىپسىزدىك كوميتەتى جانە ونىڭ قۇرامىنا كىرەتىن دەپارتامەنتتەر مەن وزگە دە قۇرىلىمدىق بولىمشەلەر, ۇقك-ءنىڭ وبلىستار بويىنشا, رەسپۋبليكالىق ماڭىزداعى قالا مەن ەلورداداعى ايماقتىق ورگاندارى, ولارعا باعىنىشتى قالالىق جانە اۋداندىق باسقارمالار (بولىمدەر, بولىمشەلەر), سونداي-اق اسكەري كونتربارلاۋ, ۇقك-ءنىڭ بارلاۋ قىزمەتى, ۇقك-ءنىڭ شەكارا قىزمەتى, ارنايى ماقساتتاعى قۇرىلىمدار, عىلىمي-زەرتتەۋ مەكەمەلەر جانە وزگە دە ۇيىمدار قۇرايدى.
