وڭىرلىك كوممۋنيكاتسيالار قىزمەتىنىڭ مالىمەتىنشە, اپات كەزىندە شامامەن 20-21 توننا كۇكىرت قىشقىلى توگىلگەن. وقيعا ورنىنا اۋدان اكىمى مەن ۋاكىلەتتى ورگانداردان قۇرىلعان كوميسسيا باردى.
شىعىس قازاقستان وبلىسى دسەك كۇرشىم اۋداندىق سانيتارلىق-ەپيدەميولوگيالىق باقىلاۋ باسقارماسى بۇگىن, 10 شىلدەدە 23 توننا كۇكىرت قىشقىلى تيەلگەن اۆتوتسيستەرنا اۋدارىلىپ كەتكەن جەردە قازۋ جۇمىستارىن مەردىگەر «حيم ترانسسەرۆيس» جشس جۇرگىزەتىنىن مالىمدەدى.
قوسىمشا توكسيكولوگيالىق زەرتتەۋلەر جۇرگىزۋ ماقساتىندا بۇلاقتان ەكى سۋ سىناماسى الىندى.
اۋدان اكىمدىگىنىڭ حابارلاۋىنشا, وقيعا ورنىنان 30 مەتر جەردە قۇرعاق بۇلاق, 5 شاقىرىم جەردە بۇلاق بار. ول ەلدى مەكەندەردەن شالعاي ورنالاسقاندىقتان, تۇرعىندار بۇل سۋدى تۇتىنبايدى.
«توپىراققا كۇكىرت قىشقىلىنىڭ توگىلۋ اۋماعى 20-40 م شاماسىنداي. قالعۇتىن اۋىلدىق وكرۋگىنىڭ (قاراتوعاي, ەگىندىبۇلاق, اقبۇلاق اۋىلدارى) جەرگىلىكتى تۇرعىندارىنا حابارلاندىرۋ جىبەرىلدى», دەلىنگەن شقو رمك حابارلاماسىندا.
