وبلىس اكىمى نۇرلىبەك نالىباەۆ ءىس-شاراعا جينالعانداردى جاڭا ءبىلىم ورداسىنىڭ ىرگە كوتەرۋىمەن قۇتتىقتادى.
– مەملەكەت باسشىسى قاسىم-جومارت كەمەل ۇلى توقاەۆ جولداۋىندا «ورتا ءبىلىمنىڭ ساپاسى – تابىستى ۇلت بولۋدىڭ ماڭىزدى شارتى. ءاربىر وقۋشىنىڭ ءبىلىم الىپ, جان-جاقتى دامۋى ءۇشىن قولايلى جاعداي جاسالۋعا ءتيىس», دەگەن بولاتىن. پرەزيدەنت قازىرگى تسيفرلاندىرۋ, يندۋستريالاندىرۋ زامانىندا ءىت سالاسىنا دەگەن سۇرانىس پەن تەحنيكالىق عىلىمداردىڭ ماڭىزدىلىعىن ەسكەرە كەلە, جاراتىلىستانۋ-ماتەماتيكا باعىتىنداعى پاندەرگە باسىمدىق بەرۋدى تاپسىردى. بۇل رەتتە ەل دامۋىنا وزىندىك ۇلەس قوساتىن مامانداردى وقىتۋ, ءىت سالاسىنا جاڭا لەپ اكەلەتىن باعىتتاردى دامىتۋ – ءبىزدىڭ باستى مىندەتىمىز, دەدى ايماق باسشىسى.
جينالعان قاۋىمدى مەملەكەت جانە قوعام قايراتكەرى مۇرات باقتيار ۇلى مەن ءبىلىم سالاسىنىڭ ارداگەرى باقبەرگەن دوسمانبەتوۆ قۇتتىقتادى.
بىلتىر وبلىستا 19 بالاباقشا, 6 مەكتەپ, جالاعاش اۋدانىندا وقۋشىلار ءۇيى جانە ونەر مەكتەبى قولدانىسقا بەرىلگەن بولاتىن. الداعى 3 جىلدا 64 بالاباقشا جانە «جايلى مەكتەپ» ۇلتتىق جوباسى اياسىندا 15 100 ورىنعا ارنالعان 21 مەكتەپ بوي كوتەرەدى. وسى كۇنى وبلىستا 21 جەكە ءبىلىم ورداسى جۇمىس ىستەپ تۇر, 3 جىلدا ينۆەستورلار تاعى 12 مەكتەپ سالۋعا بەل بايلاپ وتىر.
ال وسى فيزيكا-ماتەماتيكا باعىتىنداعى مەكتەپ-ينتەرنات ماسەلەسى ۇكىمەت باسشىسى ءاليحان سمايىلوۆتىڭ وتكەن جىلى وڭىرگە جاساعان ساپارىندا شەشىمىن تاپتى. وبلىس ورتالىعىنداعى №101 ءا.ءمۇسلىموۆ جانە №2 اباي اتىنداعى مەكتەپتەرگە قوسىمشا قۇرىلىس سالۋ, «بايتەرەك» تۇرعىن اۋدانىنداعى 600 ورىندىق جانە شيەلى اۋدانى بايسىن اۋىلىنداعى 250 ورىندىق مەكتەپ قۇرىلىسىن اياقتاۋ دا سول ساپار اياسىندا ناقتىلاندى.
الداعى ۋاقىتتا سول جاعالاۋدان جاڭا اۆتوۆوكزال اشىلادى. ايماقتا كولىك ينفراقۇرىلىمىن دامىتۋ شەڭبەرىندە جاڭا اۋداننان وسىنداي نىساننىڭ ىرگەتاسى قالاندى.
ءوڭىر باسشىسى وتكەن جىلدان بەرى قىزىلوردانىڭ نەگىزگى قاقپاسى سانالاتىن اۋەجاي, تەمىرجول ۆوكزالى, اۆتوۆوكزال ينفراقۇرىلىمىن دامىتۋعا باسىمدىق بەرىلگەنىن اتاپ ءوتتى. وسى جىلدىڭ ناۋرىز ايىندا بولات وتەمۇراتوۆ قورىنىڭ قولداۋىمەن قۇنى 15 ملرد تەڭگە بولاتىن قورقىت اتا اۋەجايى تەرمينالىنىڭ قۇرىلىسى باستالدى. ەندى جولاۋشىلار مەن تاسىمالداۋشىلارعا قىزمەت كورسەتەتىن, بارلىق ستاندارت تالاپتارىنا سايكەستەندىرىلگەن زاماناۋي ۇلگىدەگى جاڭا اۆتوۆوكزال عيماراتى بوي كوتەرە باستايدى. بۇل كەشەن جول قاتىناسىنىڭ رەتتەلۋىنە نەگىز بولادى. مۇندا تەك اۆتوۆوكزال عانا ەمەس, ءىرى ساۋدا جانە قوعامدىق تاماقتانۋ, تۇرمىستىق قىزمەت كورسەتۋ ورىندارى, قويمالار, اۆتوكولىك جوندەۋ تسەحتارى دا جۇمىس ىستەيدى.
جاڭا اۆتوۆوكزال پايدالانۋعا بەرىلگەننەن كەيىن 55 اۆتوبۋس مارشرۋتى ۇيىمداستىرىلادى. مۇنان بولەك, تاشكەنت قالاسىنا 1 حالىقارالىق رەيس, 46 اۋدانارالىق, استانا, الماتى, شىمكەنت, جەزقازعان, تۇركىستان, سارىاعاش, جىبەك جولى, اقتوبە جانە تاعى باسقا قالالارعا 8 مارشرۋت جولعا شىعادى. نىسان جاز مەزگىلىندە كۇنىنە 3 700-دەن استام, قىستا مىڭنان استام جولاۋشىعا قىزمەت كورسەتۋگە ىڭعايلاستىرىلىپ سالىنادى. قۇنى 975 ملن تەڭگە بولاتىن جاڭا اۆتوۆوكزال قۇرىلىسى جىل سوڭىنا دەيىن اياقتالىپ, قولدانىسقا بەرىلمەك.
وڭىردەگى جولاۋشىلار تاسىمالىنىڭ جولعا تۇسۋىنە «باتىس ەۋروپا – باتىس قىتاي» كۇرە جولىنىڭ تيگىزگەن اسەرى كوپ. وبلىس ورتالىعىندا دا جولاۋشىلار تاسىمالداۋ قىزمەتىن جاقسارتۋ ءۇشىن وتكەن جىلى زاماناۋي 150 جاڭا اۆتوبۋس ساتىپ الىندى. بيىل ولاردىڭ قاتارىنا تاعى 150 اۆتوبۋس قوسىلىپ, شاھارداعى قوعامدىق كولىك ماسەلەسى تۇبەگەيلى شەشىمىن تاپپاق.
قىزىلوردا
