الەكساندر بۋبليك «ۇلكەن دۋلىعا» ساناتىنداعى جارىستىڭ ءۇشىنشى اينالىمىندا دۇنيەجۇزىلىك رەيتينگتە 170-ورىندا تۇرعان گەرمانيالىق ماكسيميليان مارتەرەرمەن شەبەرلىك بايقاستى. ءۇش سەتكە جالعاسقان باسەكەدە جەرلەسىمىز قارسىلاسىنان 6:4, 6:1, 7:6 (7:4) ەسەبىمەن باسىم ءتۇسىپ, ءوز كارەراسىندا العاش رەت ۋيمبلدون جارىسىنىڭ ءتورتىنشى اينالىمىنا جولداما الدى. كەشە كەشكىسىن بۋبليك شيرەك فينالعا شىعۋ ءۇشىن الەمنىڭ 7-راكەتكاسى رەسەيلىك اندرەي رۋبلەۆپەن باق سىناستى.
ال ايەلدەر اراسىنداعى الەمنىڭ 3-راكەتكاسى ەلەنا رىباكينا بۇل كەزەڭدە ۇلىبريتانيانىڭ ءبىرىنشى, الەمنىڭ 89-راكەتكاسى كەتي بۋلتەرمەن كەزدەسىپ, قارسىلاسىن نەبارى 58 مينۋتقا جالعاسقان ويىندا 6:1, 6:1 ەسەبىمەن قاپى قالدىردى. ەلەنا رىباكينا بۇگىن شيرەك فينالعا شىعۋ ءۇشىن الەمنىڭ 13-راكەتكاسى برازيليالىق بەاتريس حادداد مايامەن وينايدى.
