باس قالادا جالاۋى جەلبىرەگەن سارى قۇرلىق دوداسىندا جەرلەستەرىمىزدەن بولەك, ازيانىڭ ەڭ مىقتى قۇرامالارى سانالعان جاپونيا, تايلاند, يران, يراك, وڭتۇستىك كورەيا, موڭعوليا جانە ءۇندىستان سەكىلدى سەگىز ەلدىڭ پاراۆولەيبولشىلارى ازيا چەمپيوناتىنىڭ باس جۇلدەسى مەن پاراليمپيادا جولداماسىن ساراپقا سالدى. وتانداستارىمىز قۇرلىق بىرىنشىلىگىنىڭ جارتىلاي فينالىندا قىتاي كومانداسىن 3:2 ەسەبىمەن جەڭىپ, چەمپيوناتتىڭ فينالىنا شىعىپ قانا قويماي, 2024 جىلى پاريجدە وتەتىن پاراليمپيادا ويىندارىنىڭ ليتسەنزياسىنا قول جەتكىزگەن-ءدى.
الايدا فينالدىق باسەكەدە ازيانىڭ ازۋلى قۇراماسى, چەمپيونات بارىسىندا بىردە-ءبىر ويىندا جەڭىلمەگەن يران كومانداسىمەن شەبەرلىك بايقاسىپ, اسا تارتىستى وتكەن كەزدەسۋدە قوناقتاردان 3:0 ەسەبىمەن جەڭىلىپ قالدى. وسىلايشا, قازاقستاننىڭ پاراۆولەيبول كومانداسى ازيا چەمپيوناتىنىڭ كۇمىس جۇلدەگەرى اتاندى.
