قازىر جىلۋ ماگيسترالىندە №5 قازاندىقتىڭ جەكەلەگەن شاعىن توراپتارىن مونتاجداۋ اياقتالىپ كەلەدى. وسىدان كەيىن جابدىق گيدراۆليكالىق سىناقتان جانە گاز-اۋا جولىنىڭ تىعىزدىعىن تەكسەرۋدەن وتەدى. بولاشاقتا قازاندىقتى ورناتۋ «Kazakhmys Energy» جشس بجەو جۇمىسىن جاقسارتىپ قانا قويماي, لاستاۋشى زاتتاردىڭ شىعارىندىلارىن ازايتۋعا ءتيىس.
كومپانيا ء«تاريفتى ينۆەستيتسياعا ايىرباستاۋ» باعدارلاماسىنا كىرۋ ءۇشىن قر ەنەرگەتيكا مينيسترلىگىنە ءوتىنىم بەردى. وسىنىڭ ارقاسىندا جابدىقتاردى جاڭارتۋ مۇمكىندىگى پايدا بولادى.
«بيىل جوندەۋ ناۋقانىنا وتكەن جىلمەن سالىستىرعاندا كوپ قاراجات ءبولىندى – 4,2 ملرد تەڭگە. جىلىتۋ ماۋسىمىنىڭ ساپالى ءوتۋى ءۇشىن ەكى قازاندىق پەن ەكى تۋربينانى كۇردەلى جوندەۋدەن وتكىزۋگە دايىنداۋ قاجەت. جىلۋ بەرۋ ماۋسىمى باستالعانعا دەيىن قويمالاردا وتىن بولۋى ءۇشىن كومىر قورىن تەز قالىپتاستىرۋ قاجەت. قازىر بۇل ماسەلەنى قتج جانە اكىمدىكپەن پىسىقتاپ جاتىرمىز», دەدى «Kazakhmys Energy» جشس باسشىسى تەمىرلان وتەگەنوۆ.
پرەمەر-ءمينيستردىڭ ءبىرىنشى ورىنباسارى جىلۋ جانە سۋ قۇبىرى جەلىلەرى جوندەلەتىن ۋچاسكەلەردە بولدى. 2022 جىلى قالادا №1 جانە 2 ماگيسترالدىق جىلۋمەن جابدىقتاۋ جەلىلەرىن قايتا قۇرۋ باستالدى. جوسپارلانعان 10,6 شاقىرىمنىڭ 5,2-ءسى اۋىستىرىلدى. جۇمىس 2024 جىلى اياقتالۋعا ءتيىس.
سونداي-اق وتكەن جىلى بالقاشتا 2-ءشى جانە 3-ءشى كەزەكتەگى قالاىشىلىك سۋ قۇبىرىن قايتا جاڭارتۋ باستالدى. 124 كم قۇبىر جاڭارتىلادى دەپ كوزدەلىپ وتىر. 2022 جىلى قۇرىلىسشىلار 8,6 كم جەلى سالدى. بيىلعى جوسپاردا – 30 كم. جۇمىس ءبىر ۋاقىتتا بەس ۋچاسكەدە جۇرگىزىلىپ جاتىر.
سونىمەن قاتار رومان سكليار جول قۇرىلىسى ماسەلەلەرى بويىنشا جۇمىس كەڭەسىن وتكىزىپ, «قاراعاندى – بالقاش» اۆتوجولىنىڭ ۋچاسكەسىن رەكونسترۋكتسيالاۋ بارىسىمەن تانىستى. بۇگىنگى تاڭدا جۇمىستار 71%-عا ورىندالدى. بارلىعى 363 كم جول توسەمى جوندەلەدى. مەردىگەرلەر اۋىل شارۋاشىلىعى تەحنيكاسى ءۇشىن 32 جول وتپەسىن, 11 كوپىر, ەكى كولىك ايرىعىن سالادى, 310 سۋ وتكىزۋ قۇبىرىن توسەيدى. قولدانىستاعى ينجەنەرلىك كوممۋنيكاتسيا جەلىلەرىن قايتا قۇرۋ جوسپارلانعان. جۇمابەك, اقسۋ, اقشاتاۋ جانە بالقاش سياقتى ەلدى مەكەندەر ءۇشىن اينالما جولدار سالىندى. اقسۋ – ايۋلى ارقىلى اينالىپ ءوتۋ اياقتالۋ ساتىسىندا.
