قاتىسۋشىلار كەزدەسۋ بارىسىندا قارقارالى ۇلتتىق تابيعي پاركىندەگى ءورت قاۋىپسىزدىگىنە قاتىستى وزەكتى ماسەلەلەردى تالقىلادى. ەڭ الدىمەن ماتەريالدىق-تەحنيكالىق بازانى قارجىلاندىرۋ دەڭگەيىنىڭ تومەندىگى مەن ۇلتتىق پارك قىزمەتكەرلەرى جالاقىسىنىڭ ازدىعىنا بايلانىستى ماسەلەلەر ايتىلدى.
«ورتالىق مەملەكەتتىك ورگاندار وزەكتى ماسەلەلەردى شەشۋ ءۇشىن شۇعىل جانە سالماقتى شارالار قابىلداۋى ءتيىس. توتەنشە جاعداي تۋىنداعان كەزدە ەلدى مەكەندەردىڭ تۇرعىندارى دا, قورشاعان ورتا دا اپات اۋقىمىنان وقشاۋلانۋى كەرەك. سەنات دەپۋتاتتارى پالاتا وتىرىستارى مەن دەپۋتاتتىق ساۋالدارىندا بۇل ماسەلەلەردى بىرنەشە رەت كوتەرگەن بولاتىن», دەدى سەناتور ەرشوۆ.
دەپۋتات سونىمەن قاتار قاراعاندى وبلىسى اكىمدىگى جانىنداعى اۋماقتىق قورعانىس جونىندەگى اسكەري بولىمدە دە بولدى. سەرگەي ەرشوۆ اسكەردىڭ ورنالاسقان جەرىن كورىپ, اسكەري قىزمەتشىلەرمەن اڭگىمەلەستى جانە وسى ءبولىمنىڭ قىزمەتىمەن تانىستى.
اسكەري ءبولىمنىڭ باسشىسى ءوز كەزەگىندە اۋماقتىق قورعانىستى ۇيىمداستىرۋ جونىندەگى كەلەشەك جوسپارلار مەن الدا تۇرعان مىندەتتەر تۋرالى باياندادى. قازىرگى كەزدە اسكەري قالاشىق سالۋ تۋرالى جوسپاردى ىسكە اسىرۋ الداعى ماڭىزدى مىندەتتەردىڭ ءبىرى بولىپ وتىر.
سەناتور وڭىرگە ساپاردىڭ سوڭىندا قاراعاندى وبلىستىق ءماسليحاتىنىڭ توراعاسىمەن كەزدەستى. تاراپتار وڭىردەگى وزەكتى ماسەلەلەردى جانە ولاردى زاڭ جۇزىندە شەشۋ جولدارىن تالقىلادى.
