باسەكەنىڭ الدىندا ايەلدەر جانە ەرلەر اراسىنداعى جەكەلەي سىننىڭ جەرەبەسى تارتىلدى. ناتيجەسىندە, ەلىمىزدىڭ كوشباسشى تەننيسشىسى, وسى جارىستىڭ بىلتىرعى جەڭىمپازى جانە بيىلعى ءتۋرنيردىڭ ءۇشىنشى راكەتكاسى بولىپ تىركەلگەن ەلەنا رىباكينا العاشقى كەزدەسۋىن امەريكالىق شەلبي رودجەرسپەن وتكىزەدى. ەكى تەننيسشى بۇعان دەيىن ءبىر-بىرىمەن بەس مارتە كەزدەسىپ, سونىڭ ۇشەۋىندە رىباكينا, ەكەۋىندە رودجەرس باسىم بولعان. ەلەنا مەن شەلبي اراسىنداعى ماتچ ءتورتىنشى شىلدەگە جوسپارلانعان. ال يۋليا پۋتينتسەۆا ءبىرىنشى اينالىمدا الەمنىڭ 13-راكەتكاسى برازيليالىق بەاتريس حادداد مايامەن شەبەرلىك بايقاسادى.
ەلىمىزدىڭ ەرلەر اراسىنداعى ءبىرىنشى, الەمنىڭ 27-راكەتكاسى الەكساندر بۋبليك لوندونداعى باستاپقى باسەكەسىن امەريكالىق تەننيسشى, وسىدان بىرەر جىل بۇرىن ەلوردادا ۇيىمداستىرىلعان «چەللەندجەر» جارىسىنىڭ جەڭىمپازى ماككەنزي ماكدونالدپەن وتكىزەدى. ەكى تەننيسشىنىڭ ويىنى ءۇشىنشى شىلدەگە جوسپارلانعان.
