«ەل اۋماعىنا رەتسىز اكەلىنگەن شەتەلدىك كولىكتەر دە جولداعى جاعدايدى ۋشىقتىرىپ جىبەردى. ولار تىركەۋسىز ءجۇردى. مۇنداي كولىكتەردى تىزگىندەگەن جۇرگىزۋشىلەر جول ءجۇرۋ ەرەجەسىن ورەسكەل بۇزدى جانە كوبىنە جازاسىز قالدى. قازىر مەنىڭ تاپسىرمام بويىنشا بۇل كولىكتەردىڭ ماسەلەسىن قۇقىقتىق تۇرعىدا رەتتەۋ ءۇشىن زاڭداستىرۋ جۇمىستارى جۇرگىزىلىپ جاتىر», دەدى پرەزيدەنت.
مەملەكەت باسشىسى بۇنداي زاڭسىزدىقتارعا ءىىم وكىلدەرىنىڭ دە قاتىسى بارىن اتاپ ءوتتى. سونداي-اق ادىلەتتى جۇيەنى قالىپتاستىرۋ ءۇشىن زاڭسىزدىقتارعا جول بەرىلمەۋى كەرەك ەكەنىن ايتتى.
«ۋاكىلەتتى مەملەكەتتىك ورگانداردىڭ ءۇستىرت شەشىمى وسىنداي كولىكتەردىڭ ەلگە جاپپاي اكەلىنۋىنە سەبەپشى بولدى. ەندى جىبەرىلگەن ولقىلىقتاردى تۇزەۋگە ءماجبۇر بولىپ وتىرمىز. ونىڭ ىشىندە ىشكى ىستەر مينيسترلىگىنىڭ دە قاتەلىكتەرى بار. بۇدان بولەك, شەتەلدىك كولىكتەردى اكەلۋمەن جانە ونى ەسەپكە قويۋمەن اينالىساتىن قىلمىستىق سحەمالار پايدا بولدى. وعان پوليتسيا قىزمەتكەرلەرىنىڭ دە قاتىسى بار. ادىلەتتى ءارى قۇقىقتىق مەملەكەتتە بۇكىل قۇقىق قورعاۋ جۇيەسىنىڭ اتىنا كىر كەلتىرەتىن مۇنداي زاڭسىزدىقتارعا جول بەرىلمەۋى كەرەك.
سوندىقتان قۇقىق قورعاۋ ورگاندارى وسى سالاداعى ماماندارمەن جانە ازاماتتىق بەلسەندىلەرمەن بىرلەسىپ, اتالعان ماسەلەمەن جان-جاقتى اينالىسۋى كەرەك», دەدى قاسىم-جومارت توقاەۆ.
