تىلشى «ەرتىستەن سۋ تاسىپ ىشۋگە ءماجبۇر» ماقالاسىندا تۇرعىنداردىڭ مۇڭىن جەتكىزگەن.
«كۇن ىستىقتا سۋ تاپپاي, قاتالاپ وتىرمىز. ءبىرىنشى مۇناراعا جينالاتىن سۋ تۇتاس اۋىلعا جەتپەيدى. ال ەكىنشى مۇنارانى وسى ايدىڭ سوڭىنان باستاپ جوندەي باستايمىز, – دەيدى اكىمدىكتەگىلەر. بىلتىر دا وسىنداي جاعداي ورىن الىپ, قۇدىقتاردىڭ بەتىنە سۋ شىعىپ كەتتى. جاپقىشتارىن اۋىستىرعان سوڭ, ماسەلە رەتتەلگەندەي كورىنگەن. ءارى ۇيىمىزگە كەلىپ تۇرعان سۋ اۋىز سۋعا جارامسىز, تەك ءۇي شارۋاشىلىعىنا, باۋ-باقشاعا پايدالانامىز. ەندى سول سۋدىڭ ءوزى دە جوق. سوڭعى رەت بولعان اپاتتىق جاعدايدان كەيىن بارلىعى توقتاپ قالدى. ادامدار باۋ-باقشا ەگۋدەن قورقىپ قالعان. سەبەبى ونى سۋاراتىن سۋ جوق. تۇرعىلىقتى حالىقتىڭ 90 پايىزى سۋدى ەرتىس وزەنىنەن شەلەكتەپ تاسىپ, قايناتىپ ىشۋگە ءماجبۇرمىز», دەيدى جەرگىلىكتى تۇرعىن اناستاسيا راششۋپكينا.
