ەل كۋبوگى باسەكەسىنىڭ ءۇش دۇركىن جەڭىمپازى «استانا» ءوز الاڭىندا وتكەن جارتىلاي فينالدىڭ العاشقى ويىنىندا شىمكەنتتىڭ «ورداباسى» كلۋبىن قابىلداپ, 1:0 ەسەبىمەن جەڭىسكە جەتتى. ويىنداعى جالعىز گولدى ەكىنشى تايمنىڭ 73-مينۋتىندا الاڭ قوجايىندارى ساپىنان يگور يۆانوۆيچ سوقتى.
ال جارتىلاي فينالدىڭ ەكىنشى ماتچىندا «توبىل» مەن «اتىراۋ» كوماندالارى كەزدەسىپ, بۇل ويىندا دا كەزدەسۋدىڭ تاعدىرىن الاڭ يەلەرى سوققان جالعىز گول شەشىپ كەتتى. باسەكەنىڭ 83-مينۋتىندا «توبىل» ساپىنان اسمير سۋليچ مەرگەندىك تانىتتى.
«استانا» مەن «ورداباسى» اراسىنداعى قارىمتا ماتچ 6 شىلدەدە, «توبىل» مەن «اتىراۋدىڭ» قارىمتا كەزدەسۋى 8 شىلدەدە وتەدى.
