ونىنشى مارتە ۇيىمداستىرىلىپ جاتقان الەم بىرىنشىلىگى وزبەكستان استاناسىندا 14 قىركۇيەك پەن 6 قازان ارالىعىندا وتەدى دەپ جوسپارلانعان. جاھاندىق دوپ دوداسىنا التى قۇرلىقتىڭ 24 قۇراماسى قاتىسادى. ءبىر ايتا كەتەرلىگى, فۋتزالدان 2024 جىلعى الەم چەمپيوناتى ازيا ايماعىنداعى ءتورتىنشى, وزبەكستانداعى العاشقى تۋرنير بولماق.
سارى قۇرلىقتاعى بۇعان دەيىنگى بىرىنشىلىكتەر 1992 جىلى گونكونگتە, 2004 جىلى تايۆاندا جانە 2012 جىلى تايلاندتا ۇيىمداستىرىلعان. 2021 جىلى ليتۆادا وتكەن ەڭ سوڭعى الەم چەمپيوناتىندا پورتۋگاليا قۇراماسى چەمپيون اتانسا, قازاقستان فۋتزالشىلارى ءۇشىنشى ورىن ءۇشىن وتكەن باسەكەدە برازيلياعا جول بەرىپ, ءتورتىنشى ساتىعا تابان تىرەگەن ەدى.
