سپورتتى دامىتۋ ديرەكتسياسىنىڭ مالىمەتى بويىنشا سپارتاكيادانىڭ سوڭعى كۇنىندە جانكۇيەرلەر ءار سپورت ءتۇرىنىڭ فينالدىق باسەكەلەرىن تاماشالادى. شاعىن فۋتبول بويىنشا فينالدىق سايىستا استانا قالاسىنىڭ كومانداسىنان باسىم تۇسكەن قوستاناي وبلىسىنىڭ قۇراماسى جەڭىسكە جەتسە, ۆولەيبول جارىسىندا تۇركىستاندىقتار جەڭىمپاز اتاندى. شەشۋشى ويىندا ولار بقو كومانداسىنان باسىم ءتۇستى. سونىمەن قاتار تۇركىستان وبلىسىنىڭ مەملەكەتتىك قىزمەتكەرلەرى ۇستەل تەننيسىندە دە قارسىلاس شاق كەلتىرمەدى.
قازاق كۇرەسى بويىنشا اتىراۋ وبلىسىنىڭ ءاپايتوس بالۋاندارى مىقتىلىق تانىتسا, توعىزقۇمالاقتا اقتوبە وبلىسىنىڭ وكىلدەرى باس جۇلدەگە يە بولدى. بيلياردتا شىمكەنتتىك تاستاياقشىلاردىڭ شەبەرلىگى ۇستەم بولسا, سۋدا جۇزۋدە قاراعاندى وبلىسىنىڭ سپورتشىلارى باسىمدىق تانىتتى.
سپارتاكيادا قورىتىندىسى بويىنشا ەڭ كوپ ۇپاي جيناعان تۇركىستان وبلىسىنىڭ قۇراماسى جالپىكوماندالىق ەسەپتە توپ جاردى. سونىمەن قاتار باتىس قازاقستان وبلىسى – ەكىنشى, پاۆلودار وبلىسى ءۇشىنشى ورىندى يەلەندى.
