قر توتەنشە جاعدايلار مينيسترلىگىنىڭ ءباسپاسوز قىزمەتى حابارلاعانداي, 26 ماۋسىمدا ءورت سوندىرۋشىلەر ءورت اۋماعىن 150 گەكتاردان 120 گەكتارعا دەيىن قىسقارتا العان. ءورت اۋماعىنا جۇمىلدىرىلعان 80 ادام ورتپەن ءالى دە كۇرەسىپ جاتىر.
ء«ورتتى سوندىرۋگە 34 قىزمەتكەر, 3 تەحنيكا, 1 ءجۇزۋ قۇرالى مەن درون جۇمىلدىرىلعان. 26 ماۋسىمدا قوسىمشا 13 ادام, 2 تەحنيكا مەن 2 موتوپومپاسى بار 1 ءجۇزۋ قۇرالى جىبەرىلدى. سونىمەن قاتار «ىلە-بالقاش» رمم 25 ادامى مەن 10 تەحنيكاسى, ورمان شارۋاشىلىعىنىڭ 8 ادامى مەن 4 تەحنيكاسى جۇمىلدىرىلدى», دەلىنگەن مينيسترلىك حابارلاماسىندا.
بۇعان دەيىن توتەنشە جاعدايلار مينيسترلىگى ىلە-بالقاش تابيعي رەزەرۆاتىندا ءىرى ءورت شىققانىن حابارلاعان ەدى. قىزىل جالىن 6200 گەكتار جەردى قامتىعان.
