«بالالار ءۇيىنىڭ ديرەكتورى مەن باس بۋحگالتەرى وزدەرىنە جوعارى جالاقى تولەدى, جوعارى سىيلىقاقىلار مەن ءىسساپار شىعىندارىن تىزىمدەدى. جىمقىرۋ شتات كەستەسى مەن قازىناشىلىق ەسەپتەردى سالىستىرۋ بارىسىندا انىقتالدى. وندا ءتيىستى جالاقى مەن ناقتى تولەنگەن جالاقى اراسىنداعى ايىرماشىلىق پايدا بولدى. سونىمەن قاتار ء«ولى جاندار» دەپ اتالاتىن جۇمىس ىستەمەيتىن ادامدارعا جالاقى تولەندى. بالالار ءۇيى باسشىلىعىنىڭ زاڭسىز ارەكەتتەرىنىڭ ناتيجەسىندە مەملەكەتكە زالال كەلتىرىلدى», دەپ حابارلادى باس پروكۋراتۋرانىڭ ءباسپاسوز قىزمەتى.
وسى فاكتى بويىنشا پروكۋراتۋرا قىلمىستىق كودەكستىڭ 189-بابى 3-بولىگىنىڭ 2, 3-تارماقتارى بويىنشا قىلمىستىق ءىس قوزعادى. ءىستى سوتقا دەيىنگى تەرگەۋ سىبايلاس جەمقورلىققا قارسى قىزمەتكە تاپسىرىلدى.
وسى باپتىڭ سانكتسياسى بەلگىلى ءبىر لاۋازىمداردى اتقارۋعا نەمەسە بەلگىلى ءبىر قىزمەتپەن اينالىسۋعا تىيىم سالا وتىرىپ, 7 جىلعا دەيىن باس بوستاندىعىنان ايىرۋدى قاراستىرادى.
