سۋرەتتى تۇسىرگەن ج.مۇسابەكوۆ
«بۇگىن اتا-انا ءۇشىن باۋىر ەتى – بالانىڭ ۇلكەن ومىرگە قانات قاققان, ۇستاز ءۇشىن شاكىرتتەرىنىڭ بيىكتەن كورىنگەن قۋانىشتى كۇنى. ءبىلىمدى دە دارىندى جاستارىمىز قۇرىلعانىنا ءبىر جىل تولعان ءوڭىرىمىزدىڭ كەلەشەكتە گۇلدەپ, كوركەيۋىنە وراسان زور ۇلەس قوسارىنا سەنىمىمىز مول. ەلىمىز ءۇشىن دارىندى جاستار – باستى قۇندىلىق. حالقىمىزدى جارقىن بولاشاققا جەتەلەيتىن دە, جەتكىزەتىن دە وزدەرىڭىز. وبلىس جۇرتشىلىعىنىڭ 84 پايىزى اۋىلدىق جەرلەردە تۇرادى. ياعني سىزدەر اۋىل مەكتەپتەرىندە وقىپ ءجۇرىپ تە تەرەڭ ءبىلىم, ءتالىمدى تاربيە الۋدىڭ ايقىن ۇلگىسىن كورسەتىپ وتىرسىزدار. الداعى ۋاقىتتا ەلىمىزدىڭ, شەتەلدىڭ جوعارى وقۋ ورىندارىنا ءتۇسىپ, قالاعان ماماندىقتارىڭىزدى مەڭگەرگەن سوڭ وسى وتىرعان ءاربىرىڭىزدىڭ تۋعان جەرگە تۋ تىگىپ, ەلىمىزدىڭ الەۋمەتتىك-ەكونوميكالىق دامۋىنا, ءوڭىردىڭ وركەندەۋىنە اتسالىسادى دەگەن ويدامىن. سىزدەر ماماندىق يەسى بولىپ ورالعانشا وبلىسىمىزدا كوپتەگەن جارقىن جوبالار جۇزەگە اسىپ, ىرگەسى قالانادى. سول كەزدە عالىمدار, ەكونوميستەر, قارجىگەرلەر, ساياساتكەرلەر, ينجەنەرلەر, مۇعالىمدەر مەن دارىگەرلەر قاجەت بولادى. ۇكىمەتتىڭ قولداۋىمەن قوناەۆ قالاسىنان اكادەميالىق قالاشىق سالۋ جوسپارلانىپ وتىر. جاستاردى قولداۋدا, ولاردىڭ تۇرمىستىق احۋالىن جاقسارتۋدا زاماناۋي تۇرعىن ۇيلەر بوي كوتەرىپ, قالامىزدىڭ ىرگەسى كەڭەيەدى. جاڭا جۇمىس ورىندارى كوبەيەدى. سوندىقتان الاتاۋداي اسقاق ارماندارىڭىز ورىندالىپ, دۇنيەگە ءبىر كىرپىش بولىپ قالانۋلارىڭىزعا تىلەكتەسپىن», دەگەن وبلىس اكىمى سالتاناتتى شارا بارىسىندا مەكتەپتى «التىن بەلگىگە» اياقتاعان تۇلەكتەردىڭ اتا-انالارىنا ريزاشىلىعىن ءبىلدىرىپ, العىس حاتتار تابىس ەتتى.
اسەم انمەن كومكەرىلگەن سالتاناتتى شارا سوڭىندا تۇلەكتەرگە قوناەۆ قالاسىنىڭ باس جوسپارىنىڭ ماكەتى تانىستىرىلدى.
وسى تۇستا ايتار بولساق, وبلىس اكىمىنىڭ قولداۋىمەن وڭىردە ءبىلىم سالاسىندا كوپتەگەن يگى ءىس پەن جوبا جۇزەگە اسىرىلىپ جاتىر. مىسالعا ايتار بولساق, ءبىلىم ساپاسىن ارتتىرىپ, ءبىلىمدى جاستار الەۋەتىن كوتەرۋدى ماقسات ەتكەن ءوڭىر باسشىسى قايتارىمدى ينۆەستيتسيا رەتىندە سالاعا بولىنەتىن قارجى كولەمىن ۇلعايتقان. ءبىلىم ساپاسىن كوتەرۋ ماقساتىندا «50 مەكتەپ» جوباسىن قارجىلاندىرىپ, ء«بىلىم-يننوۆاتسيا» ليتسەيلەرىنىڭ تاجىريبەسىن وبلىستىڭ 50 مەكتەبىنە ەندىرۋدى باستاعان. وسى جوبا اياسىندا دارىندى 50 وقۋشى 35 كۇن استانا قالاسىندا تەگىن وليمپيادالىق دايىندىق كۋرستارىنان وتەدى.
سونىمەن قاتار وتكەن جىلى ۇلتتىق بىرىڭعاي تەستىلەۋدەن جوعارى بالل جيناپ, بىراق مەملەكەتتىك گرانتقا ىلىنە الماعان, اقىلى وقۋعا مۇمكىندىگى جوق, وبلىستاعى از قامتاماسىز ەتىلگەن وتباسى بالالارىنا اكىمدىك تاراپىنان قاجەتتى ماماندىقتارعا 100 گرانت ءبولىنىپ, جوعارى وقۋ ورىندارىندا ءبىلىم الىپ جاتىر. بيىل جەرگىلىكتى بيۋدجەت ەسەبىنەن پەداگوگيكالىق, مەديتسينالىق, اۋىلشارۋاشىلىق ماماندىقتارىنا 100 گرانت بولىنگەن.
ء«بىز ارقاشان جاستارعا قولداۋ كورسەتۋگە دايىنبىز», دەگەن وبلىس اكىمى بالقاش اۋدانى تۇرعىندارىمەن كەزدەسۋى بارىسىندا بالالارىن وقىتا الماي وتىرعانىن ايتقان 2 انانىڭ ءوتىنىشىن بىردەن قاراستىرىپ, اتالعان بالالارعا گرانت تاعايىندالىپ, ءوڭىر بيۋدجەتىنەن قارجى بولىنگەندىگىن اتاۋ ارتىق ەتپەس. نەگىزىنەن وبلىس اكىمدىگىنىڭ گرانتتارى تەك باكالاۆرياتقا عانا ءبولىنىپ كەلسە, بىلتىردان باستاپ ينتەرناتۋراعا دا ءبولۋدى قاراستىرا باستاعان. ناتيجەسىندە, تالعار مەن قوناەۆ قالالارىنان مەديتسينالىق ماماندىقتىڭ باكالاۆريات دەڭگەيىن ۇزدىك بىتىرگەن 2 تۇلەككە ينتەرناتۋرادا ءبىلىم الۋعا اكىمدىك گرانت ءبولىپ, قولداۋ ءبىلدىردى.
الماتى وبلىسى
