قر ەنەرگەتيكا مينيسترلىگى بەكىتكەن جۇمىس كەستەسىنە سايكەس, 2023 جىلدىڭ 20 ماۋسىمى مەن 19 شىلدەسى ارالىعىندا پاۆلودار مۇناي-حيميا زاۋىتىنىڭ جۇمىسى ۋاقىتشا توقتايدى.
«كاسىپورىندا كۇردەلى جوندەۋ كەزىندە جۇرگىزىلەتىن جۇمىستىڭ نەگىزگى بولىگىنە تەحنولوگيالىق جابدىقتاردىڭ (قۇبىرلار, پەشتەر, بۋ قۇبىرلارى) ونەركاسىپتىك قاۋىپسىزدىگىن تەحنيكالىق تۇرعىدان كۋالاندىرۋ, جوندەۋ جانە ساراپتاۋ كىرەدى. قر «ازاماتتىق قورعاۋ تۋرالى» زاڭى مەن سالاداعى قولدانىستاعى نورماتيۆتىك قۇجاتتاردىڭ تالاپتارىنا سايكەس, جوعارىدا اتالعان جۇمىستاردى ورىنداۋ كەزىندە زاۋىتتىڭ تەحنولوگيالىق وبەكتىلەرىن پايدالانۋدى تولىق توقتاتۋ تالاپ ەتىلەدى», دەلىنگەن پمحز ءباسپاسوز قىزمەتى تاراتقان حابارلامادا.
بۇل رەتتە زاۋىت جۇمىسى توقتايتىن كەزەڭگە 37 مىڭ توننا بەنزين مەن 47 مىڭ توننا ديزەل وتىنىنىڭ قورى جەتكىلىكتى مولشەردە جيناقتالعانىن ايتا كەتۋ كەرەك.
