جەڭىمپاز پوشتا بولىمشەسى

جۋىردا “قازپوشتانىڭ” سەمەي قالالىق فيليالىنىڭ باستىعى ماناربەك مولداراحيموۆ بىزگە ەجەلدەن مۇڭىمىز دا, جىرى­مىز دا ءبىر ەدى, ەندى مينيسترلىگىمىز دە ءبىر, ەندەشە باسپاسوزگە جازىلۋ ناۋقانى بارىسىندا شالعايداعى قاينار اۋىلىنداعى پوشتا ءبو­لىمشەسىنىڭ جۇمىسىمەن تانىسىپ قايتپايمىز با دەگەن مازمۇندا ءوتىنىش بىلدىرگەن. باقساق باقا ەكەن دەمەكشى, “قازپوشتانىڭ” قالالىق في­ليالى وتكەن جىلدىڭ قورىتىن­دىسىمەن ءوز سالاسىندا وبلىس بويىنشا  جەڭىمپاز اتانسا, ال قاي­نارداعى بولىمشە قالالىق فيليالعا قاراستى وتىزعا جۋىق بولىمشە ىشىنەن ءبىرىنشى ورىندى يەلەنىپتى. بۇل ەندى ايتقانعا عانا وڭاي. ايتپەسە, سەمەي, كۋرچاتوۆ قالالارى مەن ءشۇلبى قالا ۇلگىسىندەگى  كەنتى ىشىنەن وزا شاۋىپ , باس جۇلدەنى يەلەنۋ ۇلكەن جەتىستىك. وتكەن جىلدىڭ قورىتىندىسى دەمەكشى, سول جىلى ەل گازەتى “ەگە­مەننىڭ” سەمەي ءوڭىرى بويىنشا تارالىمى ءبىرشا­ما ارتىپ, 1200 داناعا جەتكەن ەدى. سوعان ابىرالى وڭىرىندەگى التى اۋىلدىق وكرۋگتى بايلانىس قىزمەتىمەن قامتا­ماسىز ەتىپ وتىرعان قاينار بولىمشەسىنىڭ دە قوسقان ۇلەسى زور. قالادان بۇل جاققا حات-حابار, ءتۇرلى دەڭگەيدەگى باسىلىمدار اپتا ىشىندە ءۇش رەت جەتكىزىلىپ تۇرسا, سونى اتالعان بولىمشە اۋىل-اۋىلدارعا ۋاقى­تىندا تاراتىپ بەرەتىن كورىنەدى. مۇندا “ەگەمەننىڭ” ەكىنشى جارتىجىلدىققا تارالىمى جىل باسىنداعى دەڭگەيگە جەتىپ ۇلگەرگەنىن ەستىپ ءبىزدىڭ دە كوڭىلىمىز ءبىر  مارقايىپ قالدى. قاينار بولىمشەسىن تالعات سالمەنوۆ دەگەن باۋىرى­مىزدىڭ باس­قارىپ كەلە جاتقانىنا جيىر-ما جىلعا جۋىقتاپ قالىپتى. ياعني, بۇل ازامات ومىرلىك ءتاجىري­بەدەن كەندە ەمەس. قازىردە بولىمشەدە 12 ادام جۇمىس ىستەيتىن كورىنەدى. تالعات تۇسىپبەك ۇلى سولار­دىڭ ىشىنەن ءوزىنىڭ ورىنبا-سارى گۇلشات شىنىباەۆا, وپەرا­تورلار باھارگۇل مۇقىشەۆا, ايجان شايكەنوۆا, حات-حابار تاراتۋشى جاڭاگۇل ورىنبە­كوۆانىڭ ەسىمدەرىن ىلتيپاتپەن اتاي كەتۋدى ۇمىتپاعان. ول بۇدان كەيىنگى جەردە قالالىق فيليالدىڭ باستىعى ماناربەك سادى­ق ۇلىنا دا ريزا ەكەنىن اعىنان جارىلىپ بايانداپ جاتتى. شىندىعىندا, سونداي قامقور­لىق ناتيجەسىندە ءبولىم­شە ەرتە باستان كومپيۋتەرلەندىرىلىپ, ينتەرنەت جۇيە­سىنە قوسىلىپتى. ال ول كوپتەگەن يگى شارالاردى جۇزە­گە اسىرۋعا مۇمكىندىك تۋعىزىپتى. قازىردە بولىمشە ەلىمىزدىڭ بەس بانكىمەن قويان-قولتىق جۇمىس جاساپ جاتقان كورىنەدى. اۋىل تۇرعىندارىنان ءتۇرلى تولەمدەردى قابىلداۋ, اقشا اۋدارۋ, اقشا الۋ سەكىلدى شارۋالارىندا ەشقانداي كىدىرىس جوق. مۇنىڭ سىرتىندا پوستتەرمينال ارقىلى كارتوچكا جۇيەسىن پايدالانۋشىلار قاتارى دا ۋاقىت وتكەن سايىن ارتا ءتۇسىپ كەلە جاتقان كورىنەدى. ال اۋىل تۇر­عىندارىنا جالاقى مەن زەينەت­اقىلارىن ۋاقى­تىندا تاراتۋ ءبو­لىم­شەنىڭ باستى جۇمىسى بولىپ تا­بى­لا­دى. ءبىر سوزبەن ايتقاندا, اتال­عان بولىمشە جۇمىسى سانالۋان. تەك ءبىر اتتەگەن-اي عيمارات ءما­سەلەسىنە كەلىپ تىرەلسە, مولدارا­حيموۆ مىرزا وسى جولى ونى دا جارتىلاي شەشىپ ۇلگەردى. ەندى كوپ ۇزاماي بولىمشە كەڭ دە قولايلى عيماراتقا جايعاسپاق. وسى ساپار بارىسىندا اۋىل اكىمى ەركەبۇلان شارىپحانوۆپەن جولىعىپ, تىلدەسكەنبىز. اكىم اۋىل­د­اعى ىرگەلى مەكەمەنىڭ مۇنداعى يگى شارالاردان ەشقاشان سىرت قال­مايتىندىعىن ايتا كەلىپ, بولىمشە باستىعى تۋرالى دا جاقسى پىكىر بىلدىرگەن. تالعات تەك ىسكەر باسشى عانا ەمەس, ونەرپاز جان ەكەن. ءان سالاتىن, قاينار حالىق تەاترىنىڭ جۇمىسىنا ۇزبەي اتسالىساتىن تالعات كەزىندە بۇكىلوداقتىق فەس­تيۆالدىڭ لاۋرەاتى دا اتانىپتى. ول قازىردە دە كوركەمونەرپازدار قاتارىنان تابىلۋدا. داۋلەت سەيسەن ۇلى. شىعىس قازاقستان وبلىسى.