«تۇركىستاندى ءياساۋيسىز ەلەستەتۋ مۇمكىن ەمەس. ايگىلى عۇلاما تۇتاس تۇركى دۇنيەسىندە يسلام ءدىنىنىڭ ورنىعۋىنا زور ۇلەس قوستى. ياساۋيدەن باستاۋ الاتىن قازاق جەرىندەگى رۋحاني ساباقتاستىق قازىرگە دەيىن ۇزدىكسىز جالعاسىپ كەلەدى», دەدى مەملەكەت باسشىسى.
سونىمەن قاتار پرەزيدەنت بيىل قوجا احمەت ءياساۋيدىڭ تۋعانىنا 930 جىل تولىپ وتىرعانىن اتاپ ءوتتى. مەملەكەت باسشىسى عۇلامانىڭ ەڭبەكتەرىن جان-جاقتى زەرتتەپ, دارىپتەۋ ماڭىزدى ەكەنىن ايتتى. قاسىم-جومارت توقاەۆ «ياساۋيتانۋ» عىلىمي ورتالىعىن نەمەسە ينستيتۋتىن قۇرۋ ماسەلەسىن ويلاستىرۋعا بولاتىندىعىن دا ءسوز ەتتى.
