«قازاقستان – وسى گەوساياسي ايماقتا ساياسي جۇيەسىن قىسقا مەرزىم ىشىندە تۇبەگەيلى وزگەرتكەن بىردەن-ءبىر مەملەكەت. تىڭ وزگەرىستەردىڭ ارقاسىندا ساياسي رەفورمالاردىڭ قازاقستانعا عانا ءتان ەرەكشە ۇلگىسى قالىپتاستى. كەلەشەكتە دە ونىڭ ءمان-ماڭىزى ارتا بەرمەك. الايدا قولدا بار جەتىستىككە توقمەيىلسىپ وتىرۋعا بولمايدى. الدا ۇزاق جول, اۋقىمدى جۇمىس بار», دەدى ەل پرەزيدەنتى.
مەملەكەت باسشىسىنىڭ ايتۋىنشا, ادىلەتتى قازاقستاندى قۇرۋ مينيسترلەر مەن اكىمدەردىڭ عانا مىندەتى ەمەس. وعان بۇكىل قوعام بولىپ جۇمىلۋ كەرەك. ال, تۇپكى ماقساتىمىزعا جەتۋ ءۇشىن ساياسي-ەكونوميكالىق رەفورما جاساۋ جەتكىلىكسىز.
«ەڭ باستىسى, ءار ازاماتتىڭ سانا-سەزىمى جاڭعىرۋى قاجەت. حالقىمىزدىڭ دۇنيەتانىمى جانە ومىرلىك ۇستانىمدارى وزگەرۋگە ءتيىس. ايتپەسە, باسقا رەفورمانىڭ ءبارى بەكەر. ءبىر سوزبەن ايتساق, پيعىل وزگەرمەسە, ەشتەڭە دە وزگەرمەيدى», دەدى ق.توقاەۆ.
