سەنات توراعاسى ءوز سوزىندە ساۋد ارابياسى كورولدىگى قازاقستاننىڭ تاياۋ شىعىستاعى جاقىن سەرىكتەسى ەكەنىن جانە ەكى ەل اراسىندا جان-جاقتى ىنتىماقتاستىق ورناعانىن حابارلادى. پالاتا توراعاسى ەسكەرگەندەي, ءوزارا بايلانىستىڭ دامۋىنا جوعارى دەڭگەيدەگى جۇيەلى ساياسي ديالوگ نەگىز بولىپ وتىر.
2022 جىلى قازاقستان پرەزيدەنتى قاسىم-جومارت توقاەۆتىڭ دجيدداعا جاساعان ساپارى مەملەكەتتەر اراسىنداعى قارىم-قاتىناسقا ايتارلىقتاي سەرپىن بەردى. سول كەزدە ساپاردىڭ قورىتىندىسى بويىنشا تۋريزم, سپورت, اۋىل شارۋاشىلىعى, فارماتسەۆتيكا جانە باسقا دا سالالاردى قامتيتىن ەكىجاقتى 13 قۇجاتقا قول قويىلدى.
سەنات توراعاسى قازاقستان پارلامەنتى سەناتى مەن ساۋد ارابياسى اش-شۋراسى مەدجليسى اراسىنداعى ىنتىماقتاستىقتى نىعايتۋدىڭ ماڭىزىنا دا نازار اۋداردى. سونىمەن قاتار مەملەكەت باسشىسىنىڭ باستاماسىمەن ەلىمىزدە قولعا الىنعان كەشەندى رەفورمالاردىڭ ىسكە اسىرىلۋ بارىسى تالقىلاندى.
سونداي-اق سەنات سپيكەرى الەمدىك جانە ءداستۇرلى دىندەر ليدەرلەرى سەزىنىڭ قىزمەتى تۋرالى ايتىپ, كورولدىكتىڭ ءدىن كوشباسشىلارىن بيىل كۇزدە وتەتىن سەزد حاتشىلىعىنىڭ مەرەيتويلىق وتىرىسىنا قاتىسۋعا شاقىردى.
