جەرلەسىمىز جارىستىڭ ەكىنشى اينالىمىندا الەمنىڭ 340-راكەتكاشىسى امەريكالىق ەۆان چجۋمەن شەبەرلىك بايقاسىپ, قارسىلاسىن ءۇش سەتكە جالعاسقان ماتچتا جارىس جولىنان ىعىستىردى. ءبىرىنشى پارتيادا امەريكالىق تەننيسشى ءبىر برەيك جاساپ, ەسەپتە العا شىعىپ الدى – 6:4. بىراق ەكىنشى سەتتە جۇقاەۆ ەڭسە تىكتەپ, تارازى باسىن تەڭەستىردى – 7:5. ال شەشۋشى, ءۇشىنشى سەتتە وتانداسىمىز ەكى برەيك جاساپ, 6:2 ەسەبىمەن ماتچتى ءوز پايداسىنا اياقتادى.
بەيبىت جۇقاەۆ ءتۋرنيردىڭ جارتىلاي فينالىنا شىعۋ ءۇشىن دۇنيەجۇزىلىك رەيتينگتە 617-ساتىدا تۇرعان كانادالىق ليام دراكسلمەن كەزدەسەدى.
