مەملەكەت باسشىسى قاسىم-جومارت توقاەۆ جۇكتەگەن تاپسىرمالارعا سايكەس ولارعا كەلەسى الەۋمەتتىك قولداۋ تۇرلەرى كورسەتىلىپ جاتىر:
- سەمەي قالاسىندا جيھازبەن جابدىقتالعان ەكى نەمەسە ءۇش بولمەلى (وتباسى مۇشەلەرىنىڭ سانىنا قاراي) پاتەرلەر بەرىلدى;
- قازا تاپقاندار مەن ولاردىڭ وتباسى مۇشەلەرىنىڭ نەسيە قارىزدارى وتەلەدى. وتەلەتىن قارىزداردىڭ جالپى مولشەرى 36,2 ملن تەڭگەنى قۇرايدى (15 ماۋسىمداعى جاعداي بويىنشا);
- «قازاقستان حالقىنا» قورىنان ءار وتباسىعا 7 ملن تەڭگەدەن جانە كامەلەتتىك جاسقا تولماعان ءار بالاعا 2 ملن تەڭگەدەن ماتەريالدىق كومەك. تولەمدەردىڭ جالپى سوماسى – 127 ملن تەڭگە (15 ماۋسىمداعى جاعداي بويىنشا);
- اسىراۋشىسىنان ايىرىلعان وتباسى مۇشەلەرىنە مەملەكەتتىك بيۋدجەتتەن اي سايىنعى جاردەماقى; مەملەكەتتىك الەۋمەتتىك ساقتاندىرۋ قورىنان اسىراۋشىسىنان ايىرىلۋ بويىنشا 18 جاسقا دەيىنگى بالالارعا, جوو-دا كۇندىزگى وقۋ بولىمىندە وقىسا, وقۋدى اياقتاعانعا دەيىن, بىراق 23 جاستان اسپايتىن بالالارعا اي سايىنعى الەۋمەتتىك تولەم; بجزق-دان جەرلەۋ راسىمدەرى ءۇشىن بىرجولعى جاردەماقى;
- جالپى ءبىلىم بەرۋ قورىنان مەكتەپ جاسىنداعى بالالارعا 500 مىڭ تەڭگە مولشەرىندە ماتەريالدىق كومەك, سونداي-اق كەرەك-جاراقتار (اياق كيىم, فورما) مەن جازعى لاگەرگە جولداما;
- جۇمىس بەرۋشىنىڭ قاراجاتى ەسەبىنەن اي سايىنعى تولەمدەر (جالاقى مولشەرىنە بايلانىستى); ۇجىمدىق شارتقا سايكەس جۇمىس بەرۋشىنىڭ ەسەبىنەن بىرجولعى كومەك.
سونىمەن قاتار «قازاقستان حالىق بانكى» اق ءار وتباسىنا 3 ملن تەڭگە كولەمىندە ماتەريالدىق جاردەم بەرەدى, سونداي-اق باسقا دا كوممەرتسيالىق ۇيىمدار كومەك كورسەتەدى.
وعان قوسا اكىمدىك «اق ەرتىس» قق-مەن بىرلەسىپ, قازا تاپقانداردىڭ وتباسى مەن زارداپ شەككەندەرگە ودان ءارى كومەك كورسەتۋ ماقساتىندا قايىرىمدىلىق پەن دەمەۋشىلەر قاراجاتىن جيناقتاۋ ءۇشىن ارنايى شوت اشتى.
