بۇل تۋرالى قر پرەمەر-ءمينيسترىنىڭ ءباسپاسوز قىزمەتى مالىمدەدى.
«قازاقستان رەسپۋبليكاسى ۇكىمەتىنىڭ قاۋلىسىمەن قانىش امانباي ۇلى تولەۋشين قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى بولىپ تاعايىندالدى», دەلىنگەن حابارلامادا.
قانىش تولەۋشين 1983 جىلى جەزقازعان قالاسىندا دۇنيەگە كەلگەن. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن, وكسفورد برۋكس ۋنيۆەرسيتەتىن, ماسساچۋسەتس تەحنولوگيالىق ينستيتۋتىن تامامداعان.
ەڭبەك جولىن 2003 جىلى كوممەرتسيالىق قۇرىلىمداردا باستادى.
2004-2005 جىلدارى – «تەمىربانك» اق فيليالىنىڭ زاڭدى تۇلعالارعا قىزمەت كورسەتۋ ءبولىمىنىڭ مامانى, ءبولىم مەڭگەرۋشىسى.
2006-2007 جىلدارى – «ساۋدا ساياساتىن دامىتۋ ورتالىعى» اق ساۋدا-ەكونوميكالىق تالداۋ ءبولىمىنىڭ باس ساراپشىسى.
2007-2008 جىلدارى قازاقستان رەسپۋبليكاسى يندۋستريا جانە ساۋدا مينيسترلىگى يندۋستريالىق-يننوۆاتسيالىق ساياسات دەپارتامەنتى يننوۆاتسيالىق ساياسات باسقارماسىنىڭ باسشىسى بولىپ جۇمىس ىستەدى.
2008-2011 جىلدار ارالىعىندا قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ كەڭەسشىسى, سەكتور مەڭگەرۋشىسى, مەڭگەرۋشىسىنىڭ ورىنباسارى قىزمەتتەرىن اتقارعان.
2011-2013 جىلدارى – قازاقستان رەسپۋبليكاسى يندۋستريا جانە جاڭا تەحنولوگيالار ۆيتسە-ءمينيسترى.
2013-2016 جىلدارى – «بايتەرەك» ۇلتتىق باسقارۋشى حولدينگى» اق باسقارۋشى ديرەكتورى.
2016-2017 جىلدارى – «دامۋ» كاسىپكەرلىكتى دامىتۋ قورى» اق باسقارما توراعاسى.
2018 جىلدان قازىرگى ۋاقىتقا دەيىن كوممەرتسيالىق قۇرىلىمداردا جۇمىس ىستەگەن.
