«Qazaqstan» ۇلتتىق ارناسى حابارلاعانداي, اباي وبلىسىنداعى ورمان ءورتىن ءسوندىرۋ جۇمىستارى قىزۋ ءجۇرىپ جاتىر. بىراق تۇنگى ۋاقىتتا سوعاتىن ەكپىندى جەل ءالى دە كەدەرگى بولىپ تۇر.
ءۇش باعىتتاعى ءورت وشاقتارىنىڭ ەڭ نەگىزگىسى ءشۇلبى ستانتسياسىنىڭ ماڭايىندا ورنالاسقان. ءورت سوندىرۋشىلەردىڭ باسىم بولىگى سول جەرگە جۇمىلدىرىلىپ, توتەنشە جاعدايلار قىزمەتكەرلەرى مەن اسكەريلەر جالىننىڭ شۇلبىگە دەيىن جەتۋىنە توسقاۋىل قويدى.
ودان بولەك قاشتاق جانە جەرنوۆكا اۋىلدارىنىڭ جانىنداعى وشاقتارعا دا نەگىزگى كۇشتەردىڭ باسىم بولىگى جۇمىلدىرىلعان.
«ىستىق نۇكتەلەردىڭ بارلىعىنا قاجەتتى قۇرالدارمەن جابدىقتالعان اسكەريلەر, توتەنشە جاعدايلار مينيسترلىگىنىڭ قىزمەتكەرلەرى جىبەرىلدى. ەندى قاتتى جەل كوتەرىلىپ كەتپەسە ءورتتى 1-2 كۇندە تولىق سوندىرەمىز دەپ جاعىمدى بولجام جاساپ وتىرمىز», دەدى نۇربولات دەربىسوۆ.
ايتسە دە بۇل ءورت ءسوندىرۋ جۇمىستارى 1-2 كۇندە تولىق اياقتالاتىنىن بىلدىرمەيدى. سەبەبى ورمان ىشىندەگى توپىراقتىڭ بەتكى قاباتىندا شامامەن 20 سانتيمەتر تەرەڭدىكتە سونبەگەن شوقتار بولۋى مۇمكىن, ولار تولىق سوندىرىلگەنشە ءتيىستى جۇمىستار توقتامايتىن كورىنەدى.
