ماماننىڭ ايتۋىنشا, قۇرلىق əسكەرلەرى قارۋ جاراق پەن əسكەري تەحنيكانىڭ, جوعارى دəلدىكتەگى قارۋدىڭ, بايلانىس, بارلاۋ جəنە اۆتوماتتاندىرىلعان باسقارۋ جۇيەلەرىنىڭ زاماناۋي ۇلگىلەرىمەن جابدىقتالعان. تəجىريبە جۇزىندە ءوزىنىڭ تيىمدىلىگىن كورسەتكەن دəلدىگى جوعارى جۇيەلەر مەن قارۋ-جاراقتاردىڭ əلەۋەتى ەسكەرىلە وتىرىپ, سوڭعى ۇلگىدەگى تەحنيكامەن جاراقتاندىرۋ جۇمىستارى جوسپارلى تۇردە جۇزەگە اسىرىلىپ جاتىر.
الايدا تالعات قويباقوۆ اسكەردى قارۋمەن جابدىقتاۋمەن قاتار ونى ءىس جۇزىندە قولدانۋ پارمەنىن دە نازارعا الدى. سوعان وراي جاۋىنگەرلەردىڭ قارۋ-جاراقتى شىنايى جاعدايدا قولدانۋ قابىلەتىن ارتتىرۋ ماقساتىندا وقۋ-جاتتىعۋ جيىندارى جۇيەلى تۇردە وتكىزىلىپ كەلەدى. قازىر قىسقى وقۋ كەزەڭى اياقتالدى. جىل مەزگىلدەرى بويىنشا ءəربىر كەزەڭنىڭ ءوز ەرەكشەلىگى بار ەكەندىگى دە ەسكەرىلەدى. بۇل جاتتىعۋلاردىڭ نەگىزگى ماقساتى – گيبريدتى قاۋىپ-قاتەر جاعدايىندا əرەكەت ەتۋ, ءتۇرلى پروكسي-كۇشتەرگە قارسى ءاردايىم دايىن بولۋ.
سۇحبات سوڭىندا گەنەرال-لەيتەنانت əسكەر دايىندىعى – ۇزدىكسىز جۇرگىزىلەتىن ءۇردىس ەكەنىن ەسكە سالدى. ونىڭ ايتۋىنشا, ون نەمەسە بەس جىل بۇرىنعى داعدىلار مەن ءادىس-تاسىلدەر بۇگىنگى قاتەرلەردىڭ الدىندا قاۋقارسىز بولىپ قالۋى مۇمكىن. وسى تۇستا ماقالا اۆتورى قازاقستان قارۋلى كۇشتەرىنىڭ كۇش-قۋاتىن ارتتىرۋ ماقساتىندا جاۋىنگەرلەردى ەڭ ءتيىمدى ءارى زاماناۋي قارۋ-جاراقپەن قامتاماسىز ەتۋ - كۇن تəرتىبىنەن تۇسپەيتىن مىندەت ەكەنىن العا تارتىپ وتىر.
سۇحباتتىڭ تولىق نۇسقاسىن ەسكەندىر زۇلقارنايدىڭ «اسكەر دايىندىعى - ۇزدىكسىز جۇرەتىن ءۇردىس» ماقالاسىنان وقي الاسىزدار. ايتا كەتسەك, بۇل ماقالا «Egemen Qazaqstan» گازەتىنىڭ №109 (30588) سانىندا جاريالانعان.
