«كەشەدەن باستاپ سۋ قىسىمى كوتەرىلگەنىن بايقاعان بولارسىزدار. بۇعان دەيىن ايتىپ وتكەنىمدەي, 2021 جىلدان باستاپ استانا سۋ قويماسىنان سۋ جەتكىزەتىن تاراتقىشتىڭ جاڭا جەلىسىنىڭ جانە سورعى ستانساسىنىڭ قۇرىلىسى ءجۇرىپ جاتىر. كەشە سول سۋ تاراتقىشتى ىسكە قوستىق. بۇل جەلى ۇيلەردەگى اۋىز سۋدىڭ ءتيىستى قىسىمىن جانە جۇيەنىڭ تۇراقتىلىعىن قامتاماسىز ەتۋگە مۇمكىندىك بەرەدى», دەپ جازدى اكىم Facebook پاراقشاسىندا.
اكىمنىڭ ايتۋىنشا جاڭا سورعى-سۇزگى ستانساسىنىڭ ءبىرىنشى كەزەڭىنىڭ قۇرىلىسى ماۋسىم ايىنىڭ سوڭىنا دەيىن اياقتالادى. ناتيجەسىندە قالاداعى سۋ تاپشىلىعى ماسەلەسى تۇبەگەيلى شەشىلمەك.
قۇرىلىستىڭ ەكىنشى كەزەڭى تامىز ايىندا اياقتالادى. بۇل الداعى 3-4 جىلعا جەتەتىن قوسىمشا قىسىمدى قامتاماسىز ەتەدى ەكەن.
سونىمەن قاتار نۇرا جەراستى سۋىنان تىرشىلىك ءنارىن جەتكىزەتىن قۇبىردى جوبالاۋ جانە تەلمان ماسسيۆىندەگى سورعى ستانساسىنىڭ قۋاتىن كەڭەيتۋ جۇمىسى اياقتالۋعا جاقىن. بۇل جوبالار استانانىڭ الداعى ۋاقىتتا اۋىز سۋمەن قامتاماسىز ەتۋ ءۇشىن قوسىمشا قۋات بەرەتىنىن ەلوردا اكىمى اتاپ ءوتتى.
