قازاقستاندا اپتاپ ىستىققا بايلانىستى جاڭا رەكورد تىركەلدى

• 1 مامىردا ماڭعىستاۋ وبلىسىنىڭ اققۇدىق مەتەوستانتسياسىندا ەڭ جوعارى اۋا تەمپەراتۋراسى +34,1°س تىركەلدى. وسىلايشا 2005 جىلعى رەكورد (+33,9°س) جاڭاردى;
• سام مەتەوستانتسياسىندا اۋا تەمپەراتۋراسى +32,5°س بولدى, سوڭعى رەت سول كۇنى ماكسيمالدى تەمپەراتۋرا 1975 جىلى (+31,0°س) بايقالعان;
• اتىراۋ وبلىسىنىڭ قۇلسارى مەتەوستانتسياسىندا تەرمومەتر باعانى +33,4°س بەلگىسىنە جەتتى, بۇل 1986 جىلعى رەكوردتى (+31,8°س) جاڭارتتى;
• 2 مامىر كۇنى دال وسى ستانتسيادا ەڭ جوعارى اۋا تەمپەراتۋراسى +32,4°س بولدى, وسىلايشا 1970 جىلعى اۋا تەمپەراتۋراسى +32,2°س قۇراعان رەكوردىنان استى;
• ال باتىس قازاقستان وبلىسىنىڭ تايپاق مەتەوستانتسياسىندا تەرمومەتر باعانى +32,2°س بەلگىسىنە جەتكەن, وسىلايشا 1970 جىلعى رەكورد (+31,4°س) جاڭاردى;
• 11 مامىردا پاۆلودار وبلىسىنىڭ باياناۋىل مەتەوستانتسياسىندا ەڭ جوعارى اۋا تەمپەراتۋراسى +31,3°س تىركەلدى, وسىلايشا 1976 جىلعى رەكورد (+30,0°س) جاڭارتىلدى;
• سونداي-اق قاراعاندى وبلىسىنىڭ جارىق مەتەوستانتسياسىندا ماكسيمالدى اۋا تەمپەراتۋراسى +29,6°س دەيىن جەتتى, سوڭعى رەت سول كۇنى ماكسيمالدى تەمپەراتۋرا 1991 جىلى (+29,0°س) بايقالدى;
• قىزىلوردا مەتەوستانتسياسىندا تەرمومەتر باعانى +35,6°س بەلگىسىنە جەتتى, بۇل 2019 جىلعى رەكوردتى (+34,7°س) جاڭارتتى;
• 27 مامىر كۇنى اقتاۋ مەتەوستانتسياسىندا (ماڭعىستاۋ وبلىسى) ەڭ جوعارى اۋا تەمپەراتۋراسى +36,2°س بولدى, وسىلايشا 2000 جىلعى اۋا تەمپەراتۋراسى +34,0°س قۇراعان رەكوردىنان استى;
• 30 مامىر كۇنى قوستاناي مەتەوستانتسياسىندا تەرمومەتر باعانى +34,9°س بەلگىسىنە جەتتى, وسىلايشا 2021 جىلعى رەكورد (+34,5°س) جاڭاردى.

سينوپتيكتەردىڭ مالىمەتىنشە, مامىر ايىنىڭ باسىندا ەلىمىزدىڭ سولتۇستىك, ورتالىق, شىعىس جانە وڭتۇستىك ايماقتارىنا اۋا تەمپەراتۋراسىنىڭ تومەندەۋى مەن ۇسىككە الىپ كەلگەن شىعىس ءسىبىر اۋدانىنان سالقىن اۋا ماسسالارى جەتتى.

مۇنداعى رەكوردتار:

• 2 مامىردا تۇندە اقتوعاي مەتەوستانتسياسىندا (قاراعاندى وبلىسى) اۋانىڭ ەڭ تومەنگى تەمپەراتۋراسى -6,8°س بولدى, وسىلايشا 1969 جىلعى رەكورد (-5,0°س) جاڭارتىلدى;
• 3 ءمامىردا دال وسى مەتەوستانتسيادا تەرمومەتر باعانى -7,8°س بەلگىسىنە جەتتى, سوڭعى رەت سول كۇنى ءابسوليۋتتى مينيمۋم 2002 جىلى -3,7°س بولدى;
• شىعىس قازاقستان وبلىسىنىڭ ريددەر مەتەوستانتسياسىندا اۋا تەمپەراتۋراسىنىڭ رەكوردتىق كورسەتكىشى -5,2°س بەلگىسىنە جەتتى, بۇل 1985 جىلعى رەكوردتى (-4,5°س) جاڭارتتى;
• 4 مامىردا قاراعاندى وبلىسىنىڭ اقتوعاي مەتەوستانتسياسىندا اۋانىڭ ەڭ تومەنگى تەمپەراتۋراسى -8°س بولدى, وسىلايشا 1997 جىلعى اۋا تەمپەراتۋراسى -5,1°س بولعان كەزدەگى رەكوردتان استى;
• 5 مامىردا جامبىل وبلىسى تاراز مەتەوستانتسياسىندا تەرمومەتر باعانى -1,1°س بەلگىسىنە جەتتى, سوڭعى رەت سول كۇنى ءابسوليۋتتى مينيمۋم 1998 جىلى +0,5°س قۇرادى.

ودان بولەك رەسپۋبليكانىڭ وڭتۇستىك-شىعىسىندا كۇشتى جەلگە بايلانىستى الدىن الا ەسكەرتۋ جاريالانعان ەدى. ماسەلەن, دوستىق اۆتوماتتى مەتەورولوگيالىق ستانتسياسىندا 1 مامىردا داۋىلدى جەل (ەكپىنى 42 م/س), 2 مامىر كۇنى وتە كۇشتى جەل (ەكپىنى 33 م/س), 3 مامىر كۇنى – ەكپىنى 31 م/س بولاتىن جەل سوقتى.

تەمپەراتۋرالىق رەكوردتاردان باسقا مامىر ايىندا جاۋىن-شاشىننان دا بىرقاتار رەكورد تىركەلگەن.

• 16 مامىردا قىزىلوردا وبلىسىنىڭ قازالى مەتەوستانتسياسىندا ءبىر ايلىق نورماسى 14 مم بولعان جاعدايدا 17 مم جاۋىن-شاشىن جاۋدى;
• 17 مامىردا تۇركىستان وبلىسىنىڭ تاستى مەتەوستانتسياسىندا 18 مم جاۋىن-شاشىن جاۋدى ء(بىر ايلىق نورماسى - 17 مم);
• 22 مامىردا جەتىسۋ وبلىسىنىڭ جالاڭاشكول مەتەوستانتسياسىندا ءبىر ايلىق نورما 8 مم بولعان جاعدايدا ءبىر تاۋلىكتە 10 مم جاۋىن-شاشىن جاۋعان.