كەزدەسۋ بارىسىندا قازاقستان مەن يۋنەسكو اراسىنداعى مادەني جانە تاريحي مۇرالاردى ساقتاۋ, ءبىلىم جانە عىلىم سالاسىنداعى حالىقارالىق بايلانىستاردى كەڭەيتۋ ىسىندەگى ىنتىماقتاستىقتىڭ وزەكتى ماسەلەلەرى تالقىلاندى.
پرەزيدەنت قاسىم-جومارت توقاەۆ ودرە ازۋلەگە ءىلتيپات بىلدىرە وتىرىپ, ونىڭ يۋنەسكو باس ديرەكتورى رەتىندەگى كوشباسشىلىعىن جوعارى باعالايتىنىن, سونداي-اق ۇيىمدى ودان ءارى نىعايتۋعا باعىتتالعان قىزمەتىنە قولداۋ كورسەتەتىنىن اتاپ ءوتتى.
پرەزيدەنت باس ديرەكتورعا قوجا احمەت ياسساۋي كەسەنەسىنە بارعانى ءۇشىن العىسىن ايتتى. سونداي-اق ونىڭ تۇركىستانعا ساپارىن ازاماتتارىمىز وڭ قابىلداعانىن جانە بۇقارالىق اقپارات قۇرالدارىندا كەڭىنەن جاريالانعانىن ايتتى.
ء«سىزدىڭ ساپارىڭىز قازاقستان مەن يۋنەسكو اراسىنداعى ءوزارا ءتيىمدى ىنتىماقتاستىقتى ودان ءارى دامىتۋ ءۇشىن اسا ماڭىزدى. يۋنەسكو ءبىز ءۇشىن ەرەكشە ۇيىم ءارى باسىمدىققا يە. ءبىز وسى ءوزارا قارىم-قاتىناستى ودان ءارى دامىتۋ ءۇشىن بار كۇش-جىگەرىمىزدى جۇمسايمىز», دەدى پرەزيدەنت.
مەملەكەت باسشىسى كليمات, بيوالۋانتۇرلىلىك جانە سۋ رەسۋرستارى سالالارىنداعى بىرلەسكەن جوبالاردى ىسكە اسىرۋعا قازاقستاننىڭ نيەتتى ەكەنىن جەتكىزدى.
جاقىن ارادا وڭىرلىك كوپسالالى كەڭسە بولىپ قايتا قۇرىلاتىن الماتى قالاسىنداعى يۋنەسكو بيۋروسىنىڭ قىزمەتى – قازاقستاننىڭ وسى ۇيىممەن تابىستى بايلانىسىنىڭ جارقىن مىسالى.
ودرە ازۋلە قازاق جەرىندە قوناقجايلىق كورسەتكەنى ءۇشىن قاسىم-جومارت توقاەۆقا العىس ايتتى.
سونداي-اق ول يۋنەسكو-نىڭ بۇكىلالەمدىك مادەني مۇرالارى تىزىمىنە ەنگەن تۇركىستان قالاسىنداعى قوجا احمەت ياساۋي كەسەنەسىنە بارعان كەزدە العان اسەرىن ءبولىستى.
يۋنەسكو-نىڭ باس ديرەكتورى پرەزيدەنت قاسىم-جومارت توقاەۆتىڭ باسشىلىعىمەن جۇزەگە اسىرىلىپ جاتقان اۋقىمدى رەفورمالارعا, سونىڭ ىشىندە ازاماتتىق قوعامدى نىعايتۋعا, ءبىلىم جانە مادەنيەت سالاسىن دامىتۋعا قاتىستى باستامالارىنا جوعارى باعا بەردى.
«مەنىڭ قازاقستانعا جاساعان ساپارىم ءسىزدىڭ ەلىڭىزدەگى ماڭىزدى ستراتەگيالىق كەزەڭمەن تۇسپا-تۇس كەلدى. ءسىز اۋقىمدى رەفورما جۇرگىزىپ جاتىرسىز. بۇل ىستە ءسىزدىڭ پرەزيدەنتتىك مانداتىڭىز شەشۋشى ءرول اتقارۋعا ءتيىس», دەدى ودرە ازۋلە.
