باعدارلامانى جۇزەگە اسىرۋ ءۇشىن وبلىستىق بيۋدجەتتەن – 500 ملن, بانك تاراپىنان 250 ملن تەڭگە قاراستىرىلدى.
ناۋرىز ايىنان بەرى جۇرگىزىلگەن اقپاراتتاندىرۋ جاقسى ناتيجەسىن كورسەتىپ وتىر. ويتكەنى باعدارلاماعا قاتىسۋعا 350-دەن اسا ءوتىنىش تۇسكەن. بىراق باعدارلاما كريتەريلەرىنە سايكەس 75 ءوتىنىش قابىلدانىپ, سونىڭ 69-ى ىرىكتەلىپ الىندى. وتىنىمدەردىڭ باسىم بولىگىن ءبىلىم بەرۋ سالاسىنىڭ وكىلدەرى قۇرادى, ياعني, 55 ءوتىنىش وبلىس اۋماعىنداعى مەكتەپ, كوللەدج ۇستازدارىنان, 13 ءوتىنىم دەنساۋلىق سالاسىنىڭ جاس ماماندارىنان, قالعاندارى سپورت, مادەنيەت, بۇقارالىق اقپارات قۇرالدارى مەن الەۋمەتتىك سالا قىزمەتكەرلەرىنەن ءتۇستى.
قازىرگى ۋاقىتتا «وتباسى بانكى» 29 جاستىڭ تولەم قابىلەتىن راستاپ, نەسيە ءوتىنىمىن ماقۇلدادى. ولاردىڭ اراسىنان 10 جاسقا سەرتيفيكات تاپسىرىلدى.
ء«بىز الداعى ۋاقىتتا باعدارلاما اياسىن كەڭەيتۋگە شەشىم قابىلدادىق. كەلەسى جىلى باعدارلاما قاتىسۋشىلارى قاتارىنا كوممۋنالدىق كاسىپورىندار جۇمىسكەرلەرىن, اۋىل شارۋاشىلىعى سالاسىنىڭ جانە مەملەكەتتىك قىزمەتكەرلەردى دە قوسۋدى جوسپارلاپ وتىرمىز», دەدى وبلىس اكىمى ب.ابدىعالي ۇلى سەرتيفيكات تاپسىرۋ سالتاناتىندا سويلەگەن سوزىندە.
جيىندا جەڭىلدىكتى نەسيەگە قولدارى جەتكەن جاستاردىڭ العىسىن جەزقازعان قالاسىنداعى اباي اتىنداعى مەكتەپ-ينتەرناتتىڭ گەوگرافيا ءپانىنىڭ مۇعالىمى دياس كوپەشوۆ جەتكىزدى.
جەزقازعان
