فوتو: ەرلان ومار
مامانداردىڭ ايتۋىنشا مەملەكەتتىك جوباعا قاتىسۋشىلاردىڭ كوبى نەسيەنى مال باسىن كوبەيتۋگە سۇراپ وتىر. سوعان قاراماستان نەگىزگى باسىمدىق وسىمدىك شارۋاشىلىعى جانە وڭدەۋ سالاسىنداعى جوبالارعا بەرىلمەك.
وڭىردە باعدارلاما بويىنشا كەيىنگى ءۇش جىلدا 3,5 ملرد تەڭگەگە 600-دەن استام جوبا قولداۋ تاپتى.
«61 شاعىن نەسيەنىڭ ىشىندە 11 نەسيە اۋىلشارۋاشىلىعى وندىرىستىك كووپەراتيۆتەرىنە بەرىلەدى. قازىرگى ۋاقىتتا اۋىلشارۋاشىلىق وندىرىستىك كووپەراتيۆتەرىنە بەرىلەتىن قارجىنىڭ ەڭ ۇلكەن مولشەرى 34 ملن. تەڭگەنى قۇرايدى. سونىمەن قاتار بيىلعى جىلى العاش رەت وڭىرىمىزدە «اۋىل اماناتى» باعدارلاماسى اياسىندا اۋىلشارۋاشىلىق تەحنيكالارىن ليزينگكە بەرۋ جوباسى ىسكە قوسىلاتىن بولادى», دەيدى وبلىستىق اۋىلشارۋاشىلىعى باسقارماسىنىڭ ءبولىم باسشىسى نۇرعيسا مىرزابەك.
ەسكە سالا كەتەيىك, كەشە ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ شارۋالاردى مەملەكەتتىك قولداۋ جۇيەسى بارىنشا اشىق بولۋى كەرەكتىگىن ايتتى.
ۇلىتاۋ وبلىسى
