فوتو: ۇكىمەت
«پرەزيدەنتىمىز اتاپ وتكەندەي, جاڭا كونستيتۋتسيا جوباسىندا «ادام مەملەكەت ءۇشىن ەمەس, مەملەكەت ادام ءۇشىن» قاعيداتى ايقىندالا تۇسكەن. كونستيتۋتسيالىق رەفورمانىڭ كوزدەگەن ماقساتى دا وسى – اۋقىمدى ساياسي جاڭعىرۋمەن قاتار, ەكونوميكانىڭ ساپالى ءوسۋ قارقىنىن ارتتىرا تۇسۋگە باعىتتالىپ وتىر. ياعني, ءبىرىنشى كەزەكتە, حالىقتىڭ تابىسى مەن ءال-اۋقاتىن ارتتىرۋعا باسىمدىق بەرىلۋگە ءتيىس. بۇل – ءبىزدىڭ الدىمىزدا تۇرعان اسا ماڭىزدى مىندەت», دەدى ولجاس بەكتەنوۆ.
كەڭەستە پرەزيدەنت تاپسىرمالارىن جۇزەگە اسىرۋ جونىندەگى شارالار تۋرالى پرەمەر-ءمينيستردىڭ ورىنباسارلارى, مينيسترلەر جانە «سامۇرىق-قازىنا» قورىنىڭ باسشىلىعى بايانداما جاسادى.
پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين حالىقتىڭ ءال-اۋقاتىن جاقسارتۋ جوسپارى تۋرالى باياندادى. جۇمىستىڭ باسىم باعىتتارى رەتىندە تابىستىڭ ءوسۋى, ينفلياتسيانى تومەندەتۋ جانە ناقتى سەكتوردى قولداۋ اتالدى. ۇلتتىق بانكپەن بىرلەسىپ, ينفلياتسيا دەڭگەيىن 9-11%-عا دەيىن تومەندەتۋ جونىندەگى جوسپار ازىرلەنەتىنى ايتىلدى. 1 مامىرعا دەيىن حالىق تابىسىن ارتتىرۋدىڭ 2026-2029 جىلدارعا ارنالعان باعدارلاماسى قابىلدانادى. سونداي-اق بيزنەستى مەملەكەتتىك قولداۋ شارالارىن Egov Business پلاتفورماسىندا ء«بىر تەرەزە» قاعيداتى بويىنشا دامىتۋ جالعاسادى.
ولجاس بەكتەنوۆ: ۇكىمەت «شىنايى مۇقتاج ادامدارعا عانا كومەك» قاعيداتىن قاتاڭ ۇستانادى
مەملەكەتتىك باسقارۋدى تسيفرلىق ترانسفورماتسيالاۋ جانە جي شەشىمدەرىن ەنگىزۋ ماسەلەسىنە نازار اۋدارىلدى. پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ KEDEN جانە قارجى مينيسترلىگىنىڭ سالىقتىق اكىمشىلەندىرۋ پلاتفورمالارى, سۋ تاسقىنىن بولجاۋعا ارنالعان Tasqyn, اۆتوجولدار سالاسىنداعى eJoldar, تاسىمالداۋ سالاسىنداعى Smart Cargo جانە باسقا دا سالالىق جۇيەلەر تۋرالى باياندادى. الەۋمەتتىك ءاميان جانە ءۇي شارۋاشىلىقتارىنىڭ تسيفرلىق پروفيلدەرى دامىتىلىپ جاتىر, بۇل قولداۋ شارالارىنىڭ تيىمدىلىگىن قامتاماسىز ەتەدى. مەملەكەتتىك قىزمەتتەردى تسيفرلاندىرۋ حقكو-عا كەلۋشىلەر سانىن 2,3 ملن-عا دەيىن قىسقارتۋعا مۇمكىندىك بەردى. سونداي-اق مەملەكەتتىك ورگانداردىڭ تيىمدىلىگىن ارتتىرۋ ءۇشىن مەملەكەتتىك اقپاراتتىق جۇيەلەردى بىرىڭعاي QazTech پلاتفورماسىنا كوشىرۋ, كيبەرقاۋىپسىزدىكتى كۇشەيتۋ, سالالىق Data Lake جۇيەلەرى مەن جي اگەنتتەرىن قالىپتاستىرۋ جوسپارلانعان.
«سامۇرىق-قازىنا» قورىنىڭ باسقارما توراعاسى نۇرلان جاقىپوۆ قوردىڭ ينۆەستيتسيالىق پورتفەلىن جۇزەگە اسىرۋ بارىسى جانە 2026 جىلعا ارنالعان جوسپارلار, ونىڭ ىشىندە جاڭا جوبالاردى ىسكە قوسۋ تۋرالى باياندادى. 2026-2030 جىلدار ارالىعىندا 27 ميلليارد دوللاردان استام تىكەلەي شەتەلدىك ينۆەستيتسيا تارتۋ مىندەتى جانە تسيفرلاندىرۋ ناتيجەلەرى, سونىڭ ىشىندە 5 جىل ىشىندە جيىنتىق اسەرى 1,3 ميلليارد دوللاردى قۇرايتىن جي جوبالارىن ەنگىزۋ ماسەلەلەرى جەكە اتاپ ءوتىلدى. پرەمەر-مينيستر قوردىڭ قۇرىلىمىن ودان ءارى ترانسفورماتسيالاۋ ماسەلەلەرىن, ونىڭ ىشىندە قاجەت بولعان جاعدايدا جەكەلەگەن كومپانيالاردى بىرىكتىرۋ ارقىلى قاراستىرۋدى تاپسىردى.
قارجى ءمينيسترى ءمادي تاكيەۆ سالىقتىق جانە كەدەندىك اكىمشىلەندىرۋدى تسيفرلاندىرۋ, بيۋدجەت شىعىستارىنىڭ اشىقتىعىن ارتتىرۋ جونىندەگى تاسىلدەردى ەنگىزۋ تۋرالى باياندادى. ءبىرىنشى جارتىجىلدىقتا تاۋارلاردىڭ ۇلتتىق كاتالوگىن ىسكە قوسۋ جوسپارلانىپ وتىر. سالىقتىق جانە كەدەندىك اكىمشىلەندىرۋدى تسيفرلىق فورماتقا كوشىرۋ جەدەلدەتىلىپ كەلەدى. ءتيىمسىز شىعىستاردى قىسقارتۋ ماقساتىندا بيۋدجەتتىك باعدارلامالارعا رەۆيزيا جۇرگىزىلەدى. سونداي-اق بيۋدجەت قاراجاتىنىڭ قاداعالانۋى ءۇشىن تسيفرلىق تەڭگەنى قولدانۋ اياسى كەڭەيتىلىپ جاتىر.
ەنەرگەتيكا ءمينيسترى ەرلان اقكەنجەنوۆ ەنەرگەتيكالىق قاۋىپسىزدىكتى نىعايتۋ جانە سالانى دامىتۋ شارالارى تۋرالى باياندادى. 2029 جىلعا دەيىن 13,3 گۆت جاڭا قۋات كوزدەرىن ىسكە قوسۋ جوسپارلانعان. سونىمەن قاتار كومىر گەنەراتسياسىن دامىتۋ جونىندەگى ۇلتتىق جوبا دايىندالىپ, قوعامدىق تالقىلاۋعا شىعارىلدى, ەلىمىزدىڭ ەنەرگەتيكالىق نەگىزىن نىعايتۋ باعىتىندا جۇمىستار جۇرگىزىلىپ جاتىر. مۇناي وڭدەۋ جانە مۇناي-گاز حيمياسى سالاسى بويىنشا پرەزيدەنت تاپسىرماسىنا سايكەس, جۇمىس ىستەپ تۇرعان مۇناي وڭدەۋ زاۋىتتارىنىڭ قۋاتىن كەڭەيتۋ جوبالارى بەلگىلەنىپ, جاڭا ءموز سالۋ ماسەلەسىنە دە نازار اۋدارىلدى. 2029 جىلعا دەيىن ءىرى مۇناي-گاز حيمياسى بويىنشا بىرقاتار جوبانى ىسكە قوسۋ جوسپارلانىپ وتىر, «مۇناي-گاز حيمياسى ونەركاسىبى تۋرالى» زاڭ جوباسى ازىرلەنىپ جاتىر.
پرەزيدەنت قاسىم-جومارت توقاەۆتىڭ ۇكىمەتتىڭ كەڭەيتىلگەن وتىرىسىندا سويلەگەن ءسوزى
