فوتو: اشىق دەرەككوز
سوت پروتسەسىن باق وكىلدەرىنىڭ قاتىسۋىنسىز وتكىزۋ تۋرالى ءوتىنىش بىلدىرگەن ول مارقۇمداردىڭ تۋىستارىنان كەشىرىم سۇراپ, ءوز كىناسىن مويىنداۋعا دايىن ەكەنىن ايتتى.
«جابىرلەنۋشى تاراپتان كەشىرىم سۇرايمىن. سىزدەرگە ءوز كومەگىمدى اياماۋعا دايىنمىن. ەشقانداي ءسوز سىزدەرگە كومەكتەسە المايتىنىن بىلەمىن, ءار وتباسىعا قايعى اكەلگەنىمدى دە تۇسىنەمىن. زاڭعا ساي جازامدى الۋعا دايىنمىن», دەدى سوتتالۋشى.
پروكۋروردىڭ مالىمەتىنشە, جۇرگىزۋشى اپات كەزىندە جەڭىل دارەجەدە ماس بولعان. سونىمەن قاتار ول جالعان ءنومىر تاعىلعان Zeekr كولىگىمەن 219 كم/ساع جىلدامدىقپەن قارسى باعىتقا شىعىپ كەتكەن. سوتتا جابىرلەنۋشى تاراپتىڭ ادۆوكاتى مەيىرمان شەكەەۆ مورالدىق شىعىن رەتىندە 100 ملن تەڭگە كولەمىندە تالاپ قويۋى مۇمكىن ەكەنىن جەتكىزدى.
«قورعاۋشى رەتىندە 100 ملن تەڭگە سۇرايمىن. زاڭ بويىنشا جازاسى 7-10 جىل ارالىعىندا الادى. الايدا ول كىسى ابايسىزدا ادام ءولتىردى دەگەن باپپەن سارالانىپ وتىر. سوسىن ول جازاسىن قاتاڭ تۇردەگى تۇرمەدە ەمەس, كولونيا ساناتىنداعى تۇرمەدە, ياعني جەڭىل ساناتتى تۇرمەدە وتەيدى», دەدى ادۆوكات.
بۇعان دەيىن اتىشۋلى «شەرزات ىسىنە» ارالاسقان قورعاۋشى قازا تاپقان قىزداردىڭ ءبىرىنىڭ اتىنداعى نەسيەنى ءالى دە اتا-اناسى تولەپ وتىرعانىن ايتتى.
ءال-فارابيدەگى 3 ادامنىڭ ءومىرىن قيعان جول اپاتىنا قاتىستى تەرگەۋ قاشان اياقتالادى؟
ەسكە سالايىق, قايعىلى جول اپاتى 21 ناۋرىزعا قاراعان ءتۇنى الماتىداعى ءال-فارابي داڭعىلىندا بولعان. اپات سالدارىنان Mercedes جۇرگىزۋشىسى جانە كولىكتەگى 20 جانە 22 جاستاعى ەكى قىز قازا تاپتى.
