فوتو: qaz-media.kz
ەنەرگەتيكا مينيسترلىگىنىڭ قاعيدالارىنا سايكەس بارلىق تۇرمىستىق تۇتىنۋشى ءۇشىن تاۋارلىق گازدى تۇتىنۋ نورمالارىن جەرگىلىكتى اتقارۋشى ورگاندار بەكىتەدى.
گاز جانە گازبەن قامتۋ سالاسىنداعى ۇلتتىق وپەراتورعا مەملەكەتتىك بيۋدجەت قاراجاتى ەسەبىنەن سالىناتىن گاز قۇبىرلارىنىڭ قۇرىلىسىنا ارنالعان جوبالاۋ تاپسىرمالارىن كەلىسۋ, سونداي-اق گازبەن قامتۋ بويىنشا بيۋدجەت جوبالارىنىڭ قۇرىلىس بارىسىن باقىلاۋ فۋنكتسيالارى جۇكتەلەدى.
سونىمەن قاتار, بيۋدجەت قاراجاتى ەسەبىنەن سالىنعان گاز قۇبىرلارىن اكىمدىكتەر گاز جانە گازبەن جابدىقتاۋ سالاسىنداعى ۇلتتىق وپەراتورعا تىكەلەي بەرەدى.
سونداي-اق ەلىمىزدەگى گاز قۇيۋ ستانسالارىندا قاۋىپسىزدىك تالاپتارىن كۇشەيتۋ كوزدەلىپ وتىر.
گازبەن قامتۋ ماسەلەلەرى بويىنشا ماقۇلدانعان تۇزەتۋلەر اياسىندا جەرگىلىكتى اتقارۋشى ورگاندارعا اۆتوگاز قۇيۋ ستانسالارىنىڭ شەكتى سانىن بەلگىلەۋ جونىندە وكىلەتتىك بەرۋ جوسپارلانىپ وتىر.
سونىمەن قاتار, زاڭ جوباسىندا گاز قۇيۋ بەكەتتەرىندە قاۋىپسىزدىك دەڭگەيى ارتتىرىلادى. اتاپ ايتقاندا, جاڭادان اشىلاتىن اۆتوگاز قۇيۋ ستانسالارىنا اۋقىمدى ىدىستاردى جەر استىنا ورنالاستىرۋدى مىندەتتەۋ, ال جۇمىس ىستەپ تۇرعان ستانسالاردى 2031 جىلعى 1 قاڭتارعا دەيىن وسى ىدىستاردى جەر استىنا كوشىرۋدى مىندەتتەيتىن وتپەلى كەزەڭ بەلگىلەۋ ۇسىنىلادى.
سونداي-اق, كولىك قۇرالدارى مەن تۇرمىستىق گاز باللوندارىن زاڭنامادا بەلگىلەنگەن ورىنداردان تىس جەردە تولتىرۋعا تىيىم سالىنادى.
