قىلمىسكەرلەر زاڭسىز قىزمەتتى جاسىرۋ ءۇشىن جالعان ازاماتتاردىڭ اتىن پايدالانعان. 1Win پلاتفورماسى 11 مىڭنان استام ونلاين-ويىندارمەن قاتار سپورتتىق جانە كيبەرسپورتتىق ءباس تىگۋگە مۇمكىندىك بەرگەن. تولەمدەر بانك كارتالارى, ەلەكتروندىق جۇيەلەر جانە كريپتوۆاليۋتا ارقىلى جۇزەگە اسقان.
كۇدىكتىلەر حالىقارالىق ىزدەۋدە, ولارعا سىرتتاي قاماۋ تۇرىندە بۇلتارتپاۋ شاراسى قولدانىلعان.
سونىمەن قاتار, كۇدىكتىلەردىڭ زاڭسىز جولمەن الىنعان مۇلكىنە الدىن الا سوتقا دەيىنگى تاركىلەۋ ەنگىزىلگەن. اتاپ ايتقاندا, Mercedes Maybach S500, Lamborghini Huracan, Toyota Land Cruiser كولىكتەرى جانە شوتتارداعى 151 ملن تەڭگە, 14 600 اقش دوللارى, 44 400 ەۆرو تاركىلەندى.
سوت شەشىمىمەن جالپى قۇنى 420 ملن تەڭگەدەن اساتىن بۇل م ۇلىك مەملەكەت كىرىسىنە قايتارىلدى.
