قويشىعۇل جىلقىشيەۆ 1948 جىلى 24 قازاندا اتىراۋ وبلىسىنىڭ يندەر اۋدانىنداعى جارسۋات اۋىلدىق كەڭەسىنە قاراستى جامانقۇدىق جايلاۋىندا تۋعان.
1975 جىلى قازمۋدىڭ جۋرناليستيكا فاكۋلتەتىن بىتىرگەن. قازاق كسر مادەنيەت مينيسترلىگىندە, قازاق تەلەديدارىندا قىزمەت ىستەگەن. «ونەرپاز» قوعامدىق قايىرىمدىلىق قورىنىڭ پرەزيدەنتى, رەسپۋبليكالىق «ماحامبەت» قورىنىڭ تەتە-پرەزيدەنتى, قازاقستان جازۋشىلار وداعىنىڭ اتىراۋ وبلىستىق فيليالىنىڭ ديرەكتورى بولعان.
«تۇڭعىش» (1978), «مۇڭكىتاپ» (1998), «اساۋكەر» (2001) جىر كىتاپتارىنىڭ اۆتورى.
1996 جىلى م.وتەمىس ۇلى تۋرالى پۋبليتسيستيكالىق ماقالارى ءۇشىن قازاقستان جۋرناليستەر وداعىنىڭ ا.بايتۇرسىنوۆ اتىنداعى سىيلىعىن العان.
ول سونداي-اق «تاماشا» ويىن-ساۋىق وتاۋىن اشقانى ءۇشىن اۆتورلىق كۋالىك العان.
قويشىعۇل جىلقىشيەۆ - ماحامبەت اتىنداعى سىيلىقتىڭ لاۋرەاتى, قازاقستاننىڭ ەڭبەك سىڭىرگەن قايراتكەرى (2003).
