ات دۇبىرىنە بولەنگەن كۇن

ءدۇبىرلى دودانىڭ اشىلۋ سالتاناتىنا استانا قالاسىنىڭ ۇلت­تىق جانە وليمپيادالىق ات سپورتى تۇرلەرى فەدەراتسياسىنىڭ پرە­زيدەنتى ەرلان قاناليموۆ, قازاق ۇلتتىق سپورت تۇرلەرى قاۋىم­داس­تى­عىنىڭ پرەزيدەنتى يسلامبەك سال­جانوۆ, استانا قالاسى اكىمىنىڭ ورىنباسارى ەسەت بايكەن قاتىسىپ, شاباندوزدارعا ساتتىلىك تىلەدى.

«بارشاڭىزدى ەل تاريحىنداعى ايتۋلى مەرەكەنىڭ ءبىرى – مەم­لەكەتتىك رامىزدەر كۇنىمەن قۇتتىق­تايمىن! ءاردايىم ەل ءىشى مەرەكەلى دە بەرەكەلى, ەلتاڭبامىز – ەڭسەلى, تۋىمىز – تۇعىرلى, ءانۇرانىمىز ايبىندى بولسىن دەيمىن. جىلقى دەسە جۇگەن الا جۇگىرەتىن قازاق ءۇشىن الامان بايگەنىڭ الار ورنى ەرەكشە ەكەنى ايتپاسا دا تۇسىنىكتى. ۇلتتىق سپورت – ۇلت رۋحىنىڭ جارشىسى. ونىڭ دامۋى­نا قىزمەت ەتۋ بارشامىزدىڭ مىن­دەتىمىز», دەدى استانا قالاسى اكىمىنىڭ ورىنباسارى ەسەت بايكەن.

ەلوردا اكىمدىگىنىڭ قول­داۋى­مەن استانا قالاسىنىڭ ۇلت­تىق جانە وليم­پيادالىق ات سپورتى تۇر­لەرى فەدەراتسياسىنىڭ ۇيىم­داس­تىرۋىمەن وتكەن بايگەدە شاباندوزدار «قۇنان», «جورعا», «توپ» جانە «الامان» تۇرلەرىنەن سىنعا ءتۇستى. بايگەنىڭ جالپى جۇلدە قورى 20 000 000 تەڭگەنى قۇ­رادى.

جارىس قورىتىندىسى بويىن­شا, قۇنان بايگە (7 شاقىرىم) سا­يىسىندا شقو وكىلى سۇلتان تورەحان باس جۇلدەمەن قاتار 2 ملن تەڭگەگە يە بولسا, جورعا جارىسىندا (7 شاقىرىم) ەلوردالىق شۋاك جايلاۋبەكوۆ (2 ملن تەڭگە) مارەگە ءبىرىنشى جەتتى. ال توپ باي­گەدە (12 شاقىرىم) الماتى وبلىسىنىڭ وكىلى بەكزات ءدىلداحان (2 ملن 200 مىڭ تەڭگە), الامان بايگەدە (18 شاقىرىم) ەلوردالىق ابدىكال اسلانبەك (4 ملن تەڭگە) جەڭىمپاز اتاندى.